Aatsitassanut periusissiaq 2025-2029-mut atuuttoq
saqqummiunneqaqqammersoq qillerummik qaqitanut toqqorsivimmik nutaamik,
aatsitassarsiornermik suliaqartut ilisimatuullu iluaqutissaannik, imaqarpoq.
Tassami qillerummit qaqitat aatsitassarsiornermut
ingerlatseqatigiiffinnut paasissutissanik pingarutilinnik imaqarmata
aatsitassarsioqatigiiffiit nutaanik qillerinatik qillikkat pisoqqat
misissornerisigut aningaasarpassuarnik sipaarsinnaapput.
Aatsitassanut periusissiaq 2025-2029-mut atuuttoq
saqqummiunneqaqqammersoq qillerummik qaqitanut toqqorsivimmik nutaamik,
aatsitassarsiornermik suliaqartut ilisimatuullu iluaqutissaannik, imaqarpoq.
Tassami qillerummit qaqitat aatsitassarsiornermut
ingerlatseqatigiiffinnut paasissutissanik pingarutilinnik imaqarmata
aatsitassarsioqatigiiffiit nutaanik qillerinatik qillikkat pisoqqat
misissornerisigut aningaasarpassuarnik sipaarsinnaapput.
Kalaallit Nunaanni qillerummit qaqitat amerlanersaat ukiuni 75-ini kingullerni
Kangerlussuarmi toqqorsivimmiitinneqartarput. Toqqorsivilli ulikkaarmat
qillikkat aamma Narsarsuarmi Nuummilu toqqortaatigineqarput, taakkualu
saniatigut suliniutitoqqani qillerummit qaqitat arlaqartut piiavitoqqani
suliaqarfitoqqanilu, soorlu Citronen Fjordimi, toqqortaatigineqarput.
Paasissutissaasivik
Qillerummiit qaqitanut toqqorsivik misissuinermik ingerlatsivinnut ilisimatuunut, ajornanngitsumik, sukkasuumik akikitsumillu ilisimatusarfimmut iluaqutaasumik paasisassarsiorsinnaasunut, kiffartuussineruvoq. Qillerummiit qaqitanut toqqortaasivissamut aningaasat uuliasiortuniit pissarsiarineqassapput
Trine Juncher Jørgensen
Qillerummit qaqitat toqqorsivimmut ataatsimut katersorneqarnissaata saniatigut
aamma paasissutissanik atortorissaarutinik nutaamik, toqqorsiviit
aqunneqarnissaannik aamma ujarassiussutsikkut pillugit paasissutissanik
isumaginnissinnaasumik pilersitsisoqassasoq, aatsitassanut periusissiami
atuarneqarsinnaavoq:
”Qillerummit qaqitat tamarmik periaatsimi
nalunaarsorneqartussaapput, aammalu qillerummit qaqitat
nalunaarsorneqarsimanngitsut, ikkussorlugit pitsaassusaallu qulakkeerlugu
suliaqarneq pisussaavoq. Qillerummit qaqitanut paasissutissaasivik nutaaq
tamanit tikikkuminartuutitsinissamik pitsanngorsaaqataasussaavoq, taamaalilluni
siunissami aatsitassanut suliffissuarnut allanullu soqutiginnittunut
qillerummit qaqitanut paasissutissat nalunaarsukkat
pissarsiariuminarnerulersinneqassallutik.”, periusissami allassimavoq, qillerummiillu
qaqitat pioreersut qillerummit qaqitanut toqqorsivimmiittut ataatsimut
katillugu 225 millioner koruuninit annertunerusumik naleqartut, aamma
qillerummit qaqitanut toqqorsivimmut nutaamut, piffissami periusissiap
atuuffissaani, tassa 2029 sioqqullugu, pilersinneqartussamut avataaniit
aningaasassarsisimasut aammattaaq eqqaaneqarpoq.
Sumi inissinneqarnissaa suli aalajangerneqanngitsoq
Tamatuma kingorna qillerummiit qaqitanut toqqorsivissap sumi inissinneqarnissaa
aamma aningaasat avataaneersut sumit pissarsiarineqarsinnaanersut aatsitassanut
naalakkersuisoqarfik aperivarput.
– Sumi inissinneqarnissaa suli aalajangerneqanngilaq. Periarfissamik
sulissuteqarpugut, kisianni aalajanginnginnitsinni pisisoqarsinnaanera
Naalakkersuisut kingornalu Aningaasaqarnermut Ataatsimiititaliap
akuereqqaartariaqarpaat. Naatsorsuutigaarput ukiutoqaq sioqqullugu
inaarutaasumik aalajangiissalluta, naalakkersuisoqarfimmi pisortaq Jørgen
Hammeken-Holm oqarpoq, taassumalu aningaasalersorneqarnissaq pillugu apeqqut
akivaa:
– Qillerummit qaqitanut toqqortaasivissamut aningaasartuutit uuliasiornissamut
akuersissutitoqqaniit naammassineqanngitsuniit pissarsianit akilerneqassasut
naatsorsuutigineqarpoq. Ingerlatseqatigiiffik naammassinnissimanngikkuni
naammassinnissamut aningaasartuutissatut immikkoortitat akilertussaavai.
