aatsitassanik ujaasineq
Nunaminerals akiliisinnaajunnaaqqittoq
Nunatsinni pigisanik agguaassisarnermut eqqaartuussiviup aammaarluni ingerlatseqatigiiffik aatsitassanik ujaasinermik suliaqartoq akiliisinnaajunnaartutut nalunaarutigaa
Nunatsinni pigisanik agguaassisarnermut eqqaartuussiviup Nunaminerals aammaarluni akiliisinnaajunnaartutut nalunaarutigaa, KNR ilisimatitsivoq.
Pisortaasimasoq nalunaartoq
Eqqartuussineq pingasunngornermi pivoq. Ukiorpassuarni pisortaasimasup, Ole Christiansenip, ingerlatseqatigiiffik akiliisinnaajunnaartutut nalunaarutigaa.
Pigisanik agguaassisarnermut eqqaartuussiviup siullermik Ole Christiansenip akiliisinnaajunnaartutut nalunaarumalluni qinnuteqaataa juulip aallaqqaataani suliaraa, suliffeqarfillu tassani akiliisinnaajunnartutut nalunaarutigineqarpoq.
Atuaruk: Nunaminerals akiliisinnaajunnaartutut nalunaarutigineqarpoq
Anersaarfissaq
Taamatut aalajangerneq piginnittunit suliareqqitassanngortinneqarpoq, kingornalu ingerlatseqatigiiffik akiligassaqarfigisanut aaqqiissuteqarnissamut periarfissaneqqippoq. Tamatumali kingorna aqutsisut nassuerutigaat, aaqqiissutissamik nassaartoqarsinnaanngitsoq, taamatullu suliffeqarfik ingerlateqqinneqarsinnaanngitsoq.
Akiliisinnaajunnaarnermi sivisuumik uumaniarsarineq taamaatippoq, siullermik ukioq ataaseq akilersuiunnaarnermik, kingornalu akiliisinnaajunnaarnermik.