kinguartitsineq
Nunaminerals kinguartitsinissamik qinnuteqaqqippoq
Aatsitassanik ujaasinermik ingerlatsivik ajornartorsiortoq ukiumut naatsorsuutit tunniunneqarnissaannut killissarititap kinguarteqqinnissaanik qinnuteqaqqippoq
Taamatut Nunaminerals fondsbørsimut nalunaarutikkut paasissutissiivoq.
Ingerlatsiviup siusinnerusukkut tunniussinissamut killissarititaq kinguartissimavaa.
Tamatumuuna 2014-imut naatsorsuutit kingusinnerpaamik aggustip 24-anni tunniunneqartussaasimapput, Nunamineralsilli Danmarkimi Erhvervsstyrelsen septembarip naaneranut kinguartitseqqinnissamik qinnuteqarfigeqqippaa.
Akilersuinermik unitsitsineq
Selskabi ilaannakortumik namminersorlutik oqartussanit pigineqartdoq maajip 15-ianniilli akilersuinerminik unitsitsivoq.
Akilersuinermik unitsitsineq aamma septembarip 30-annut killeqarpoq, taamanikkullu akiligassaqarfiit Kalaallit Nunaata Eqqartuussiviani Pigisanik agguaassinermut Eqqartuussivimmi isummerfigissavaat Nunamineralsip ingerlaqqinnissaa piviusorpalaarnersoq, imaluunniit akiliisinnaajunnaassanersoq.