Nunaminerals kuulteqarfimmik nassaarpoq
NunaMinerals nutaanik qillerinermini kuulteqarfimmik tonsimiut 7 grammimik kuultilimmik nassaarpoq.
Annonse
Euroinvestor.dk allappoq kalaallit aatsitassarsiutileqatigiiffiat Nunaminerals nutaamik arlallinnik qillerisimasoq, tamatumanilu kuulteqarfimmik tonsimut 7 grammimik kuultilimmik nassaarsimalluni.
Qillerinerit ingerlanneqarsimapput selskabip suleqatigisaa Nuukfjord Gold peqatigalugu, qillerinernilu 28,75 meterinik itissusilimmut qillerisoqarsimavoq tonsimut 6,74 grammimik kuultilimmik. Qillerffiulli ilaani kuulteqarnera annertuneruvoq, selskabi nalunaarpoq, tassa kuulteqarfik tonsimut 15,02 grammimik kuultilik tikinneqarsimammat. Qillerinerit pipput Kitaani Qeqertarsuarmi, Nuuk Gold Province-mi.