Sydgrønland
Nunaminerals kuultinik ujaasipput
Aatsitassarsiornermik ingerlatseqatigiiffiup Vagarimi kuulteqarfimmi siorna qillerineq nangillugu aallartipput
- Nunamineralsinit nuannaarutigalugu nalunaarutigissavarput ingerlatseqatigiiffimmit Kujataani Vagari kulteqarfissuartut isigisami qillerinernik nangitsilluta aallartissinnaagatta.
Taama allapput ilaatigut namminersorlutik oqartussanit pigineqartumit fondsbørsinimilu allattugaasimasumit Nunaminerals.
Ukioq manna suliaq nanginneqassaaq ingerlatseqatigiiffiup Kujataani 2012-imi qaqqani granitiusuni kuulteqarfik nassaarisaa Julianehåb-batolitenimik taaguutilimmiittoq.
Sumiiffimmi Nunaminerals 2012-imi kuulteqarfimmik nassaarpoq nassaarfillu taanna ukioq manna ujaasiffigineqaqqissaaq.
- 2013-imi suliassatut pilersaarusiatsinni peqarfiup misissoqqinnissaanut aamma nassaarfiup Amphibolite Ridge, aaqqissuussamik misissorluarnissaanut piffissaliivugut. Taakkua saniatigut nunap qaavani ujaasineq nanginneqassaaq Amphibolite Ridgemi peqarfiusinnaasunik allanik ujaasinerit ingerlanneqassallutik Vagar aamma Huginip pisinnaatitsissutaat aallaavigalugit, Nunamineralsini pisortaq Ole Christiansen allappoq.