Nunamineralsip pisortaa nipaappoq
Nunamineralsip pisortaa, Ole Christiansen, ingerlatsivimmik piginneqataassutit nalingisa qaffannerat oqaaseqarfigerusunngilaa
50 procentingajaat.
Taama Nunamineralsip piginneqataassutaasa nalingi pingasunngornermi danskit nalunaaqqutaat 16, qaffariaateqartigaat.
Nunamineralsip piginneqataassutaasa nalingi qaffattuarsinnarput, ingerlatsiviup fondsbørsimik nalunaaruteqarmat ujaqqanik kimberlititalinnik arlalinnik nassaartoqartoq taakkualu diamanteqarfimmit aallaavillit.
Kalaallit aatsitassarsiornermik ingerlatsiviat Nunamineralsip piginneqataassutaasa nalingi danksit aningaasanik tuniniaavisa tallimanut matuneranni 47 procentimik qaffariarsimapput kurs 210 koruuneqalerlutik. Qaffariaat marlunngornermi matunerup nalaani nalimut sanilliussaavoq.
Aamma atuaruk; "Nunamineralsip aktiai qaffapiloortut"
Aamma atuaruk;"Nunaminerals diamantinik nassaarunarpoq"
Sermitsiaq.AG'p Nunamineralsip pisortaa, Ole Christiansen, aperaa pingasunngornermi piginneqataassutit qaffariarnerat qanoq oqaasissaqarfigineraa.
Piginneqataassutit nalingisa ingerlarngat oqaaseqarfiginngilaa.
- Nalit allanngoriartornerat aningaasanik tuniniaanermi uagut nalunaarutit tusarliussagut qisuariarfigineqartarput, naggataatigut suliatsinnik ersersitsiniartussat, Ole Christiansen nassuiaavoq.
Nunamineralsip kimberliteqarfiit arlallit sumiiffissivai Qaamasumi, Nuup avannamut kangiani Napasup kangianiittumi.
Nunamineralsip piginneqataassutaasa nalingi uani malinnaaffigikkit