Nunaqarfinni tunitsivinnut 20 millionit
Aningaasaqarnermut ataatsimiititaliap akuersissutigeqqammerpaa Arctic Greenfoodimut sullissinissamut isumaqatigiissut ni millioningajannik aningaasartaqartoq Royal Greenlandimullu 10 millionit sinnerlugit aningaasartaqartoq.
Annonse
Arctic Greenfoodip aamma Royal Greenlandip nunaqarfinni tunitsivii aningaasaqarniarnermikkut ajornartorsiortut maanna tapiiffigineqarnissamut Aningaasaqarnermut Ataatsimiititaliamit akuerisaapput. Tamanna pivoq sullissinissamut isumaqatigiissutit katillugit 20 millioningajannik aningaasartoqartut akuerineqarnerisigut.
Arctic Greenfood 9.111.044 koruuninik tapiiffigineqarpoq, Royal Greenland 10.626.000 koruuninik tapiiffigineqartoq.
Arctic Greenfoodip tapiiffigineqarneranut piumasaqaataavoq Namminersorlutik Oqartussanut ilisimatitsissuteqartarnissamut pisussaaffini naammassissagai. Soorlu aamma naatsorsuutini pisortap aningaasarsiai aamma siulersuisunut ilaasortanut ajunngitsorsiat erseqqissumik nalunaarsorneqarsimassasut.