Naalakkersuisut
nuna tamakkerlugu sulisussarsiortarfiat Suli.gl maajip aallaqqaataanni
matuneqarpoq, Naalakkersuisullu nittartagaanni atuarneqarsinnaalluni, tassunga
atatillugu sulisussarsiornerit CV-llu tamarmik qallunaat
sulisussarsiortarfiannut Jobindex.gl-imut nuunneqarsimasut.
Suli.gl-illi
suliassaasa Jobindex.gl-imut nuunneqarnerat utaqqiisaasumik atuutissaaq,
2025-llu naanerani atorunnaassasoq, Namminersorlutik Oqartussani
Isumaginninnermut, Suliffeqarnermut Nunamullu Namminermut Naalakkersuisoqarfik
ilisimatitsivoq.
Naalakkersuisut
nuna tamakkerlugu sulisussarsiortarfiat Suli.gl maajip aallaqqaataanni
matuneqarpoq, Naalakkersuisullu nittartagaanni atuarneqarsinnaalluni, tassunga
atatillugu sulisussarsiornerit CV-llu tamarmik qallunaat
sulisussarsiortarfiannut Jobindex.gl-imut nuunneqarsimasut.
Suli.gl-illi
suliassaasa Jobindex.gl-imut nuunneqarnerat utaqqiisaasumik atuutissaaq,
2025-llu naanerani atorunnaassasoq, Namminersorlutik Oqartussani
Isumaginninnermut, Suliffeqarnermut Nunamullu Namminermut Naalakkersuisoqarfik
ilisimatitsivoq.
Johannes
Qvist-Markussenip, suliffissat.gl-imik piginnittup, kalaallit
sulisussarsiortarfiata qallunaat ingerlatseqatigiiffiannut tunniunneqarnera
akuerineqarsinnaanngitsutut isigaa – aamma Naalakkersuisunit oqaatigineqartut
naapertorlugit tamanna aaqqiigallarnerugaluartoq.
Pisiarinninneq
matuneqarneranut patsisaasoq
Lona
Lyngep, Isumaginninnermut, Suliffeqarnermut Nunamullu Namminermut
Naalakkersuisoqarfimmi Suliffeqarnermut Immikkoortortami pisortap oqaatigaa,
Naalakkersuisut sulisussarsiortarfiata Suli.gl-ip matuneranut pissutaasoq,
neqerooruteqartitsisartup Matchwork-ip, Ofir.dk-mit pigineqartup, Danmarkimi
sulisussarsiortarfiit annersaannit Jobindeximit pisiarineqarnera.
Pisiarineqarnissaa
Naalakkersuisoqarfimmut januaarimi 2025-mi nalunaarutigineqarpoq. Suli.gl-ip
teknikikkut tapersersorneqarnera, ingerlanneqarnera
aserfallatsaaliorneqarneralu maajip aallaqqaataanni 2025-mi unitsinneqarput,
sulisut januaarip aallaqqaataanni 2025-mi apriilip naaneranut
soraarsitaasussanngornerat nalunaarutigineqareersorlu, oqarpoq.
Suli.gl-imi
tapersersuinissamik suliaqartussamik piffissami tamakkiisumi sulisoqarpoq.
Atorfik taamaatinneqanngilaq, tassami sulisorineqartoq Suli.gl-imit
Jobindex.gl-imut nuunnermi ikiortaagallartussaagami.
Aaqqissutissaq utaqqiisaagallartoq neqeroorutillu
Lars
Poulsen, Siumut, Inatsisartunut ilaasortaq, Inatsisartut suleriaasiannut
tunngatillugu paragraf 37 naapertorlugu Suli.gl-ip matuneqarnissaanut
tunngatillugu Naalakkersuisunut apeqquteqarpoq, tassungalu tunngatillugu
Isumaginninnermut, Suliffeqarnermut, Nunamut Namminermut Avatangiisinullu
naalakkersuisoq Bentiaraq Ottosen, Atassut, ilisimatitsivoq Naalakkersuisut
sulisussarsiortarfimmik nutaamik ataqatigiissunik aaqqiissutissalimmik
pilersitsiniarlutik 2025-mi februaarip 14-ianni naammassisussamik tamanut
ammasumik neqerooruteqarsimasut.
Pisariaqartitsinerup
suunera aamma suut pisariaqartinneqarnersut 2024-mi paasiniarneqalerput,
aaqqiissutissarlu nutaaq ataavartussaq qaammatini tallimani peqqissaartumik
ersarissumillu suliariumannittussarsiuunneqarpoq,
suliariumannittussarsiuussinermut inatsit pisortallu pisiniartarneranni
maleruagassat atuuttut tamakkiisumik malinneqartut, Bentiaraq Ottosen
ilisimatitsivoq.
-
Naalakkersuisut nittartakkap taassuma atulersinnissaa qilanaaraat, taanna
nittartagatoqqamut Suli.gl-imut matuneqartumut aamma aaqqiissutissatut
atuukkallartumut jobindex.gl-imut taartaajumaarpoq.
-
Naalakkersuisut erseqqissarusuppaat jobindex.gl Suli.gl-imut matuneqartumut
taartaanngimmat pisortanullu nittartagaq nutaajummat, oqarpoq.
Naalakkersuisut
sulisussarsiornermut nittartagaata nutaap, aamma Inatsisartut inatsisaannut
assigiinngitsunut naapertuuttumik suliffeqarnermut inatsisinik
naammassinnittumik ataqatigiissumik aaqqiissutissaqartussaq,
atuutilersinneqarnissaa tikillugu aaqqiissutissaagallarmat aamma erseqqissarpaa.
Piumasaqaatit
Lars
Poulsenip, sulisussarsiortarfissamik neqerooruteqartitsinermi piumasaqaatit
suut atorneqarsimanersut paaserusuppai. Bentiaraq Ottosenip oqaatigaa,
piumasaqaatit naapertorlugit sulisussarsiornissaq kalaallinut innuttaasunut
inunnullu Nunatsinnut immikkut attuumassuteqartunut
qulakkeerinnittussaasoq.
-
Ilaatigut neqeroorfigineqarput sulisussarsiornerit tamaasa siulliullutik
iserfigisinnaassagaat, sulisussarsiornermi atortorissaarutit kalaallisut
allassimassasut, suliffeqarfiillu ilinniartussarsiortut ilinniartoqareersullu
ersarissumik allaaserineqartarnissaat.
-
Suliffissarsiortut suliffittaarnissaminnut periarfissaqarnerulernissaannut
ikiorneqarnissaat siunertaavoq, suliffeqarnermut naalakkersuisoq oqarpoq.
Naalakkersuisup
oqaatigaa, piumasarineqartoq nittartagaq ineriartortinneqartillugu Nunatsinni
pissutsit eqqarsaatigineqartassasut, taamaalillutik imarisaa, atortorissaarutai
saqqummiussineralu Nunatsinni
inuiaqatigiinni pissutsinut naapertuuttuuniassammata. Sulisussarsiortarfik
nutaaq 2025-p naanerani piareerneqassasoq naatsorsuutigineqarpoq tamatumalu
kingorna 2026-p aallartinnerani tamakkiisumik atorneqalissalluni.
Akuerineqarsinnaanngitsoq
Naalakkersuisut
sulisussarsiortarfiata Suli.gl-ip maajip aallaqqaataani matuneqarnerata
kingorna sulisussarsiorfiit CV-llu tamarmik qallunaat sulisussarsiortarfianut
Jobindex.gl-iannut nuunneqarsimanerat Suliffissat.gl-imik piginnittup Johannes
Qvist-Markussenip akuerineqarsinnaanngitsutut isigaa.
- Ukioq
manna Inatsisartunut qineqqusaarnermi Naalakkersuisut arlaleriarlutik kalaallit
aallarnisaasut tapersersorlugit erseqqissarpaat. Kalaallit
sulisussarsiortarfiat qallunaanut ingerlatseqatigiiffimmut tunniunneqarnera,
naak Naalakkersuisut naapertorlugit tamanna aaqqiissutaagallartoq soorunami
pakatsinartorujussuuvoq.
- Tamatuma
kingunerisaanik suliffeqarfiit nunaqavissunit pigineqartut siornatigornit
unammillerneqarnerulerput, tamannalu akuerineqarsinnaanngilluinnarpoq, oqarpoq.
Aamma
saqqummiunneqarpoq Naalakkersuisut suliffissarsiorfimmik nutaamik
neqerooruteqarsimasut, februaarip qiteqqunnerani tunniussinissamut killigititaq
qaangiuttoq.
-
Sulisussarsiorneq nittartakkami Udbudsportalenimi taamaallaat
saqqummiunneqartarpat tamanna ilisimasimanngilarput, taamaattumillu
neqerooruteqanngilagut.
- Kalaallit
ilinniagaqartut ilinniakkaminnik naammassinninnermi kingorna Kalaallit
Nunaannut utertarnissaat Naalakkersuisut oqariartuutigisarpaat, Suli.gl-illi
Danmarkimi suliffissarsiortarfimmut Jobindex.gl-imut nuunneqarnerani Kalaallit
Nunaanni sulisussarsiorneq Danmarkimi takuneqarsinnaanerulerput, taamaalillutik
danskit suliffeqarfii kalaallinik Danmarkimukartillugit sulisorisinnaalernerat
periarfissaqarnerulerluni, Johannes Qvist-Markussen oqarpoq.
Suli.gl-imi
piffissaq tamakkerlugu sulisoq ataaseq aamma ullup affaa sulisut pingasut
sulisorineqarput.
