Nunatsinni sulitilluni ajoqusernermut inatsiseqalissaaq
Danmarkimi suliffeqarnermut ministerip inatsisissatut siunnersuutaata kingunerisaanik nunatsinni namminerisatsinnik ukiortaamiit sulitilluni ajoqusernermut inatsiseqalissaagut.
Annonse
Danmarkimi sulitilluni ajoqusernermut inatsit nunatsinni atuuttoq 1962-imeersuuvoq. Tamanna Danmarkimi suliffeqarnermut ministerip Inger Støjbergip allanngortikkusuppaa, webavisen.gl allappoq.
- Kalaallit Nunaanniit kissaatigineqarsimavoq namminerisamik inatsiseqalernissaq nunami tassani pissutsinut tulluuttumik. Taamaattumik Kalaallit Nunaanni sulitilluni ajoqusernermut atatillugu inatsisissamik nutaamik siunnersuuteqarpunga, suliffeqarnermut ministeri oqarpoq.
Inatsisip nutaap Danmarkimi sulitilluni ajoqusernermut inatsit malippaa, taamaattorli nunami pissutsinut naleqqussarneqarsimalluni. Inatsimiipput kalaallinut aalisartunut, piniartunut savaatilinnullu tunngasut.