Nuuk, Sineriak sinerlugu aqqusinniornerup immikkoortuata aappaa

Kommuneqarfik Sermersuup Nuummi tamakkiisumik uku taaneqartut ammasumik suliariumannittussarsiorpai:

- Biologstationip Saqqarliillu akornanni aqqut qisuk 525 lbm-it missiliorlugit takissusilik.

- Aqqutip ingerlanerani issiaarfiit katillugit arfineq-pingasut sananissaannut aqqummik silinnerusumik sananeq.

- Qisuup aqqutip ingerlarngani isikkivimmut station 125-mut tummeralerlugu uninngaarfiliorneq. 4X2,1 m.-itut angissuseqassaaq.

- Isuisigut nunamiit majuarfigineqarsinnaanngussaaq.

- Nunami 150m2-nik angitigisunik flisilersuineq, aallartiffiani naaneranilu minnerumaanik pilerlugu. Kiisalu 67,5 meterit missiliorlugu atsigisumik Station 125-miit Saqqarliit biilinut unittarfiata tungaanut.

Aqqusineeraq aqquteqarluni, tummeraqarlunilu uninngaarfiusinnaasortalittut sanaartorneqassaaq. Tummeqqat tulleriaarnerat akuttussanngillat (nunamiit 450 mm, allornerit akuttussusai 90 mm), immamiit ungasinnerpaartaani uninngaarfeqassaaq. Aqqutip isuani flisit IBF-ineersunik atortoqassapput, narlorsarniarlugu sioqqat, ujaraaqqat ujaqqallu nettilerlugit ikkussuunneqassapput.

Isigiarsuttunut aqqummukarnermi, issiaartarfinni paasissutissanilluunniit allagartaqarfinni, tummeqqani, aqqutip sanguffiini, flisilimmi aqqummi malunnartunik tinupasuaqqanik peqassaaq.

2026-mi maajimiit 2026-mi decembarip tungaanut sanaartorneqassasoq naatsorsuutigineqarpoq.

Akikinnermik neqeroortunut suliakkiissutigineqassaaq.

Neqeroorut ilanngunneqassappat neqerooruteqartup akileraartarnermut oqartussanit uppernarsaat tunniuttariaqarpaa, tassani uppernarsarlugu neqerooruteqartup 100.000 koruunit sinnerlugit akiitsoqannginnera uppernarsarneqassalluni. Aamma qularnaveeqqusiinissamut periarfissaq pillugu aningaaserivimmit sillimmasiisarfimmilluunniit uppernarsaat ilanngunneqassaaq.

Qaqugu sumilu neqeroorutigineqarumaarnera neqeroorummut allakkani allassimavoq. 

Neqeroornermut paasissutissat uunga piniarneqarsinnaapput: Inuplan A/S, Postboks 1024, 3900 Nuuk, e-mail: joa@inuplan.gl