Nuummi akunnittarfiliassanut pilersaarutit siuariartorput
Kommuneqarfik Sermersooq namminersortunit akunnittarfiliornissamik soqutiginnittunit arlalinnit saaffigineqartarpoq – annertuunik annikitsunillu
Kommuneqarfik Sermersuup sapaatip-akunnerata siuliani sisamanngornermi akunnittarfinnut nutaanut, Nuummi Tuapannguani nunaminertanik sanaartorfissanik saqqummiussivoq. Hurtigruten siornatigut nunaminertap akunnittarfimmik sanaartornissamut inniminniiffigisimagaluarpaa, kisianni atorsimanngilaa. Maannalu kikkut tamarmik 6. marts tungaanut qinnuteqarsinnaapput.
Aviisi Semitsiaq taama allappoq.
Kommunip nalunaarutaa naapertorlugu sanaartorfissaq 11.000 kvadratmeterisut angissuseqarpoq. Immikkoortoq illoqarfiup qeqqata missaaniippoq aamma sanaartukkat nutaat illuliortaatsikkut pitsaassutsimik qaffasissumik kiisalu illoqarfiup oqaluttuassartaanik ataqqinnittumik ilusilersorneqassasut kisiannili sanaartukkatut nammineq ilisarnassuseqassasut naatsorsuutigineqarpoq.
Sanaartorfissap ilaani quleriit arfineq-marluk tikillugit sanaartortoqarsinnaavoq.
Aviisimi Sermitsiami atuarnerusinnaavutit. Aviisi uani pissarsiariuk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
