Nuummi politikerinut inissiat 24-t akisoorujussuussasut
Suliniut Tuulliit 90 ½ millioner koruuninik akeqassaaq – kvadratmeterimut 42.073 koruuninik akeqassaaq.
Nuummi Suliniut Tuulliit i Nuuk ilaasortanut sinerissameersunut 24-nik inissiaartalik ataatsimoortarfimmillu illutalik 90.458.908 koruuninik – imaluunniit kvadratmeterimut ataatsimut 42.073 koruuninik akeqassaaq.
Aviisi Sermitsiaq taama allappoq.
Sanaartorneq 86.871.753 koruuninik akeqassaaq, illutoqqanillu Noorlernuniittunik Saqqarlernuniittunillu isaterineq, ilaatigut »Trussely«-mik, 3.587.155 koruuninik akeqarluni.
Sermitsiaq Nuummi sanaartornerup iluani suliaqartunik arlalinnik oqaloqateqarsimavoq, taakkunanngalu aki immikkut qaffasissutut oqaatigineqarpoq.
Tamatumunnga sanilliullugu oqaatigineqarsinnaavoq, kommunip inissiaatileqatigiiffiata Iserit A/S-ip Qinngutsinni Pinguaqqami inissiat iserterfigineqarnissaminnut piareeqqasut 48-t 100 millioner koruuninik akeqartut ukiap ingerlanerani tigussammagit – imaluunniit 10 millioner koruuninik amerlanerusunik akeqartut, kisiannili marloriaammik amerlanerusunik inissiartaqartut.
Suliniut Tuulliit Namminersorlutik Oqartussat inissiaatileqatigiiffiannit Illuut A/S-imit sanaartorneqassaaq, tamatumalu kingorna inissiat 24-t illulu ataatsimoortarfik Inatsisartunut ukiuni 30-ni attartornissamut isumaqatigiissut atorunnaarsinneqarsinnaanngitsoq tunngavigalugu attartorinneqassallutik.
Nunatta karsia Illuut A/S-imut erniaqanngitsunik akilersugassaanngitsunillu marlunnik taarsigassarsisitsivoq: 3 millioner koruunit titartagartalersuilluni pilersaarusiornermut aamma 3 millioner koruunit isaterinermut – katillugit 6 millioner koruunit.
Aviisimi Sermitsiami atuarnerusinnaavutit, aviisi uani pissarsiariuk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
