Kalaallit
Nunaanni sumiiffiit ilarpassuini sila pissutigalugu igutsaateqarnissaq
tulluanngilaq, misiliisimasullu tunniutiinnarsimapput. Narsarsuarmili
igutsaateqarfeqarpoq suli ingerlasumik. Ole Guldagerip, Narsarsuarmi
Katersugaasivimmi ulluinnarni aqutsisoq, ukiuni kingullerni aqqaneq-marlunni
igutsaatini uumasuutigisimavai. Kalaallit Nunaanni kisiartaalluni maanna
igutsaateqarpoq.
Aasarissimatillugu
tungusunnitsuut pissarsiarineqartoq annerusarpoq. Ukioq manna aasaanerani
sialleqattaarpoq putsilertarlunilu siornali aasaanera
"alianaassimaqaaq", Sermitsiap
Narsarsuarmi igutsaateqarfimmut pulaarnerani Ole Guldager oqarpoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Kalaallit
Nunaanni sumiiffiit ilarpassuini sila pissutigalugu igutsaateqarnissaq
tulluanngilaq, misiliisimasullu tunniutiinnarsimapput. Narsarsuarmili
igutsaateqarfeqarpoq suli ingerlasumik. Ole Guldagerip, Narsarsuarmi
Katersugaasivimmi ulluinnarni aqutsisoq, ukiuni kingullerni aqqaneq-marlunni
igutsaatini uumasuutigisimavai. Kalaallit Nunaanni kisiartaalluni maanna
igutsaateqarpoq.
Aasarissimatillugu
tungusunnitsuut pissarsiarineqartoq annerusarpoq. Ukioq manna aasaanerani
sialleqattaarpoq putsilertarlunilu siornali aasaanera
"alianaassimaqaaq", Sermitsiap
Narsarsuarmi igutsaateqarfimmut pulaarnerani Ole Guldager oqarpoq.
- Siorna
qaammatini marlunni seqinnarippoq alianaalluni. Igutsaat tungusunnitsuutaanik
pissarsilluarpunga. Qanoq seqinnersimatiginera apeqqutaavoq, siornalu
ingerlalluarpoq. Taavalu igutsaat amerlaqaat taamaammat
pissarsiaqarluarnarluni, Ole Guldager oqarpoq.
Igutsaat
tungusunnitsuutaat piumaneqarluarpoq
Igutsaat
tungusunnitsuliorluarsimatillugit ilaqutariit 50-80 kilonik tungusunnitsunik
tunisassiortarput. Ole Guldagerip igutsaatini ukioq manna taamarsuaq
tungusunnitsuliorunnanngitsut ilimagaa.
- Tunineqarsinnaasut
tamaasa tuniniartarpavut, allaallu suli amerlanerusut, oqarpoq.
Ole
Guldagerip igutsaateqarnerpaaffimini nunarput tamakkerlugu Pisiffimmut
Brugsenimilu tunisarsimavoq. Tungusunnitsut karsimut poortukkat timmisartumik
Tasiilamut nassiussisarsimallutik. Niuernera ingerlalluaraluariarluni killormut
saappoq, maannalu nammineq pissaminik katersugaasiviullu tuniniagassaannut
kisimi tungusunnitsuuteqarpoq.
-
Igutsaateqarneq pillugu inatsit Kalaallit Nunaanni aporfissaqangaatsiarpoq.
Akisoorujussuuvoq piffissartornartuullunilu. Tassa ima paasillugu
tungusunnitsumik annaasaqarujussuarnarpoq igutsaat piaqqineranni, dronningip
igutsaallu nammineq pisariaqartittarmassuk.
Periarfissaqarpoq
Igutsaateqarneq
Kalaallit Nunaanni nutaarsiassaanngilaq. 1950-ikkut aallartinneranni
Qassiarsummi siullermik misilerarneqarsimavoq. Avammut niuernikkut
periarfissaqarluarpoq, pisortanit aningaasaliiffigineqarpallaartariaqarani
tapiissuteqarfigivallaartariaqanngitsoq, Ole Guldager isumaqarpoq.
- Upperaara
iluatsissinnaasoq, allallu taamaaliornissaannut aqqutissiuukkusuppakka.
Septembarip
aallartinnerani igutsaat tungusunnitsuutaat kingulliit tiguneqartarpoq,
tamatumalu kingorna ukiuunerani nerisassaannik sukkunik akuutissanik
nerisinneqartarlutik.
