Paasissutissiisarfik nutaamik suliniutinut aqutsisoqalertoq

Vivi Vold Nordisk Ministerrådip paasissutissiisarfiani Hallo Nordenimi suliniutinut aqutsisunngorpoq.

Taanna ilisimatusarfimmi ilinniartut kattuffianni Ili Ili-mi siulittaasuusimavoq, maannalu Ilisimatusarfimmi Inuiaat kulturiat oqaluttuarisaanerallu ilinniarlugit inaarutaasumik ilinniartuuvoq.

- Atorfininnera nuannareqaara. Kalaallit Nunaata periarfissanut amerlanernut siamasinnerusunullu ammaannissaa pingaartuuvoq. Nunani avannarlerni ilinniarfiit Danmarkip avataaniittut kalaallinut ammaassissapput, Nunammi Avannarliit aamma suliffissanik niueqatigiiffissanillu ulikkaarput, suliniutinik aqutsisunngortoq tusagassiuutinut nalunaarummi oqarpoq.

Atuaruk: Hallo Norden nunatsinni allaffittaarpoq

Nuuttarneq ajornannginnerulersinniarlugu
Nordisk Ministerrådip paasissutissiisarfia Hallo Norden NAPA-mi (Nordens Institut i Grønland) allaffeqarpoq, tassaallunilu nunat avannarliit akornanni nuuttarnerup ajornannginnerulernissaanik suliniuteqarfik.

Nunat Avannarliit arlaannut suliartorniaraanni nuunniaraanniluunniit Hallo Norden makkuninnga paasissutissiisinnaavoq: suliffissarsiorneq, ilinniarnissamut periarfissat, peqqissutsimut sillimmaserneq, akileraartarneq, atuarfeqarneq akitsuutinullu maleruaqqusat allarpassuillu.