uuliap akingi
Partii Naleqqap Polaroil misissoqqissaaqquaa
Naalakkersuisup Vittus Qujaukitsup KNI-p nukissiornermut immikkoortortaqarfianik isornartorsiuinera, partiip illuatungiliuttup isumaqatigaa
Polaroilip KNI-mi inissisimanera aqunneqarneralu nalilersortariaqalerpoq.
Partii illuatungiliuttoq Partii Naleraq taama siunnersuuteqarpoq, aammalu Aningaasaqarnermut, Aatsitassanut aamma Nunanut Allanut naalakkersuisup Vittus Qujaukitsup (S) Polaroilimut isornartorsiunera taperserlugu.
KNI-p ataasinngornermi nalunaarutigaa, ingerlatsiviup gasolie/dieselip akia apparaa, petruuliu aamma benziina literimut 27 oorimik akikillillugit.
Atuaruk: Ikummatissamik pisineq akikinnerulerpoq
Kisianni marlunngornermi ullaakkut Vittus Qujaukitsup nalunaarutigaa, Polaroil Naalakkersuit avaqqullugit iliuuseqarsimasut, ilaatigut akit appariaateqarnerat annikinnerusussaanerarlugu, nunarsuarmi uuliap akiisa allallu annertuumik appariarneri pissutigalugit.
Atuaruk: Uuliap akiisa allanngortinneqarneri Vittup tunuaqquai
Taamatullu oqariartuuteqarneq Partii Naleqqap isumaqatigisorujussuuaa.
- Nunarsuarmi uuliap akia taama appasitsigitillugu, akit appariaataat annertunerusariaqarpoq. Nunatsinni uuliap akia nunarsuarmi akigititat malittariaqaraluarpai, tamannalu appariaat annikitsoq akuerineqarsinnaanngilaq, Partii Naleqqap Inatsisartunut ilaasortaatitaa, Per Rosing-Petersen erseqqissaavoq.
Atuaruk: Polaroil: Uulia akisunaarlugu siorna 2009-milu tunineqarpoq