Pele: Ingerlatseqatigiiffinnut akileraarut appartillugu
Inuussutissarsiortut namminersortut nukatsinneqassapput. Suliassallu amerlanerpassuit namminersortunitingerlanneqartassapput pisortanit ingerlanneqaratik. Aningaasarsiortitsi! Taamatut oqarpoq aningaasaqarnermutnaalakkersuisoq Partii Naleqqameersoq Pele Broberg
Akileraartarnermut Aningaasaqarnermullu Naalakkersuisoq Pele Brobergip nammini misilittakkanni aaallaavigalugit nunatsinni suliffeqarfimmik ingerlatsineq ajornakusoornerarpallaarpaa.
Taanna AG aviisimut paasissutissiivoq.
- Kalaallit Nunaanni inuussutissarsiortunut namminersortunut inuuneq ajornannginnerussaaq. Siuariartornissaq sunnerniassavarput niuernermillu ingerlatsineq ajornannginnerulersillugu. Suliaqaritsi. Aningaasarsioritsi! Pele Broberg kajumissaarivoq.
Ingerlatseqatigiiffinnut akileraarut apparlugu
Inuussutissarsiortut namminersortut siuarsarnissaannut atugassarisat ilagaat ingerlatseqatigiiffinnut akileraarutip appartinnissaa, Broberg isumaqarpoq.
- Siunertaraara ingerlatseqatigiiffinnut akileraartup annertuumik appartinnissaa. Ingerlatseqatigiiffinnut akileraarut iluamik sunniuteqassaguni annertuumik appartinneqassaaq, taanna oqarpoq nangillunilu:
- Soorunamili naalakkersuisoqatigiit sinneri peqataatillugit. Partiit sinnerisa isumaqatigisariaqarpaannga. Siunertaavoq siunnersuumik suliarilluakkamik saqqummiussinissaq, piffissamut sivikitsumut aningaasanik akeqartussaq, piffissarli ungasinnerusoq isigalugu iluanaarfiusunngortussaq.
Pele Brobergip oqaatigaa Canadami ingerlatseqatigiiffinnut akileraarut 15 procentiusoq. Kalaallit Nunaanni marloriaammik anginerulluni: 30 procentiulluni. Imaluunniit naatsorsueriaaseq pissutigalugu 32 procentip missaaniilluni. Danmarkimi – nunat killiit arlallit assigalugit – ingerlatseqatigiiffinnut akileraarut politikerinit appartikkiartuaarneqarsimavoq. Taamaasilluni maanna 22 procentiulluni. Islandimi ingerlatseqatigiiffinnut akileraarut 20 procentiuvoq Savalimmiunilu 18 procentiulluni.
Pele Brobergip piumaneruaa Kalaallit Nunaanni ingerlatseqatigiiffinnut akileraarutip affaannanngortinneqarnissaa, Canadamisut appasitsigilerluni. Qanoq inerneqassanersoq suli ilisimaqqissaanngilaa.
Pele Brobergip AG aviisimit apeqqarissaarfigineqarnera tamakkerlugu atuaruk. Una toorlugu aviisi pisiariuk: