Aallarnisaasut
peqatigiiffiat Sakkut aallarnisaasunut sullivimmik pilersitsiniarpoq.
Siullermik Nuummi, siunissamili sinerissami tamarmi. Erika Baadh aallarnisaasut
ilagaat, aallarnisaasunut sullivinnik containerinik pissarsinissaminik
kissaateqartoq. Ukiorpassuarni kangerlummi umiatsiaaqqamik angalagaangami
pinngortitami assigiinngitsunik katersisarpoq ilaatigut qeqqussanik
ilanngussisarluni. Taakku piumaneqarput, Erika Baadh oqarpoq.
- Inuit suut
soqutigineraat paasiniarlugu misiliivunga, nioqqutissiakkalu
soqutigineqartorujussuupput, ilaatigut gigtertunit amerluttunillu, oqarpoq.
Aallarnisaasut
peqatigiiffiat Sakkut aallarnisaasunut sullivimmik pilersitsiniarpoq.
Siullermik Nuummi, siunissamili sinerissami tamarmi. Erika Baadh aallarnisaasut
ilagaat, aallarnisaasunut sullivinnik containerinik pissarsinissaminik
kissaateqartoq. Ukiorpassuarni kangerlummi umiatsiaaqqamik angalagaangami
pinngortitami assigiinngitsunik katersisarpoq ilaatigut qeqqussanik
ilanngussisarluni. Taakku piumaneqarput, Erika Baadh oqarpoq.
Erika Baadh ukiorpassuarni assigiinngitsunik sanasarpoq, ilaatigut qeqqussanik kangerlummi angalanermini katersorsimasani tunisassiarisarlugit.
Privat
- Inuit suut
soqutigineraat paasiniarlugu misiliivunga, nioqqutissiakkalu
soqutigineqartorujussuupput, ilaatigut gigtertunit amerluttunillu, oqarpoq.
Qeqqussat
qajuusaasanngorlugit aserortikkat quliutillu qeqqussanik akusat suliarisarpai.
Tamakku sunngiffimmini pisarput, Erika Baadhilli ukiut qulit qaangiuppata
soraarninngornissami tungaanut tunisassiorfini annertusarussuppaa. Taamaattumik
aallarnisaasunut sullivimmik pilersitsineq isumassarsiatsialaasoq isumaqarpoq.
Nuummi aallarnisaasut arlallit ataatsimoortarput qaammammut ataasiarlutik
aallarnisaasunut café naapittarlutik.
- Tassani
takorluukkakka tunisassiornermi qanoq piviusunngortissinnaanerlugit
paasisinnaavara. Aallarnisaasut suliffianni paasineqarsinnaavoq tunisassiatit
soqutigineqarnersut isumassarsiallu piviusunngorsinnaanersoq, Erika Baadh
oqarpoq.
Sullivik
toqqissisimanermik pilersitsivoq
Aallarnisaasunut
sullivik aallaqqaammut containerinik 30-nik peqassaaq.
-
Aallarnisaasut tamarmik immikkut assigiinngitsunik pisariaqartitsipput. Ilaat
namminneq containeriutiminnik aggiussisinnaapput, qaammatinilu marlunni
pisariaqartitsigaanni containerimik attartortoqarsinnaavoq suliniummillu
misiliinissamut periarfissaqarluni, Napaartoq Petrussen, Sakkut siulittaasuat
oqarpoq.
Suliniut
misiliutitut aallartinneqassaaq, ingerlatsinerlu aallarnisaasut
peqatigiiffiannit aqunneqassaaq. Aallarnisaasut sulliviat aallarterlaanut
iluaqutaassaaq toqqissisimatitsissasorlu Erika Baadh isumaqarpoq.
- Sullivik
allanik attaveqarfiusinnaasoq eqqarsaatigalugu nalinginnaasumik taama iliorneq
ajoraluarpugut. Aallarnisaasut namminersortullu amerlasuut tunniutiinnartarput,
immaqa toqqissisimavissaqannginnertik pissutigalugu.
- Sullivik
siunnersorneqarnissamik avitseqateqarnissamillu toqqissisimalersitsisoq
takorloorpara. Namminermi isumassarsiaq iluatsissinnaanersoq nalunartarpoq,
sullivimmilu unammilligassat eqqarsaatigalugit ataatsimoorunneqarsinnaasut
takorloorsinnaavara, oqarpoq.
Sakkut
Namminersorlutik Oqartussat Kommuneqarfik Sermersoorlu suleqatigalugit
suliniummut pilersaarusiorlutillu missingersuusiorput. Aamma siunertaq
erseqqissarlugu suliniummut aningaasatigut tapersersuinissamik
pisariaqartitsinermik suliarineqarpoq, Sakkut siulittaasuat oqaluttuarpoq,
taassumalu missingerpaa suliniut aallartinnerani 2 millionit koruuninik
akeqassasoq.
