Permagreen Qaqortumi mittarfiup illutassaanut periarfissaavoq
Kalaallit Airport KAIR kingulliusussamik pingaarutilimmik isumaqatigiissusiornissaminut piariilerpoq, taamaalilluni Qaqortumi mittarfiup naammassinissaa qulakkeerneqassalluni. Ima isikkoqarpoq Permagreen mittarfimmi illutassat sananissaannut KAIR-imut isumaqatigiinniartoq.
Kinaana maannakkorpiaq Kalaallit Airports Domesticimik, KAIR, Qaqortumi Mittarfissami nutaami sanaartornissamik isumaqatigiinniartoq, ilaatigut mittarfiup illutassaanik?
Tamanna entreprenørit akornanni apeqqutigineqarpoq KAIR-imi suliniummi pisortaq Aviaaja Karlshøj Knudsen sapaatip-akunnerani qaangiuttumi Sermitsiamut oqaluttuareersoq, KAIR entreprenørimik, siusinnerusukkut neqeroortitsinermi neqeroortumik, oqaloqateqartoq, aaqqiissutissamik nassaarniarluni.
Aviisi Sermitsiaq taama allappoq.
Ima isikkoqarpoq Permagreen Greenland Kalaallit Airports Domesticimut isumaqatigiinnialersimalluni, mittarfimmi illutassat pingasut sananissaannik isumaqatigiissuteqarniarluni. Terminali sanaartugassani annersaavoq.
Sermitsiaq iluatsinngitsumik Permagreenip pisortaaneranut Jeppe Steffensenimut attaveqarniaraluarpoq aviisip naammassinnginnerani oqaaseqartitsiniarluni.
Kalaallit Airports Domestic naggataarutaasumik pingaarutilimmik isumaqatigiissuteqarnissaminut piareerpoq taamaalilluni Qaqortumi mittarfiup naammassinissaa isumannaarneqarluni. Aviaaja Karlshøj Knudsen sapaatip-akunnerani qaangiuttumi oqarpoq.
- Suliffeqarfiit neqeroortitsinermi peqataasimasut aperisimavavut, taamaattumik neqeroortitsinermi malueruagassat unioqqutinngilavut. Taama oqarsinnaavunga, Aviaaja Karlshøj oqarpoq.
Aviisimi Sermitsiami atuarnerusinnaavutit. Aviisi uani pissarsiariuk:
