Pia Aningolu ukiuunerani takornariartitsinermik nukittorsaarusupput
Aappariit umiatsiamik angallassisarnertikjanuaarimi aallartissavaat.
Nammineq suliffeqarfimmik aallartitsisarneq tamatigut unammillernartoqartarpoq, tamannali Piap Aningullu aallartissallugu piareersimaffigaat. Juullip ukiortaallu akornanni umiatsiaq sinnattorisarsimasaat Targa 32 Nuummut tikissaaq.
Taamak allaaserinnippoq aviisi Sermitsiaq.
Aappariit suliffeqarfitsik Sumut Greenland ApS ukiup nutaap aallartinnerani tamanut saqqummiutissallugu naatsorsuutigaat. Aningo Pia Brobergimullu nammineq angallatertik atorlugu takornarianik angallasisarnissaq sinnattuujuaannarsimavoq.
– Arlaannik aallartitsinissarput pilersaarutigiuaannarsimavarput. Sullitanik oqaloqateqarlutalu pinngortitarsuatsinnik takutitsisarnerput nuannarinera pissutigalugu suliffeqarfimmik aallartitsivugut. Pinngortitamiinneq tassanngalu takutitsineq nassiuarneqarsinnaanngitsumik nuannaalersitsisarpoq, Pia Broberg oqarpoq.
Nunaqavissut akornanni ingerlatsineq Sumut Greenlandimut pingaaruteqarluinnarpoq. Umiatsiamit iluarsaassinermit naatsorsuuserineq ilanngullugu nunaqavissunit ingerlanneqarnissaa Pia aamma Aningo Brobergip pingaartilluinnarpaat.
Allaaserisaq tamaat aviisimi Sermitsiami atuaruk.
