Piniarnermik inuussutissarsiuteqarneq: Qerititsiviit containerit piniartut aningaasarsiornerannut iluaqutaasinnaasut
Avannaani sikusartumi aalisartut piniartullu pisaminnik ukioq kaajallallugu tuniniaasinnaalernissaat qulakkeerniarlugu qerititsivinnik containerinik illoqarfinni nunaqarfinnilu peqalertariaqartoq, aalisartut piniartullu peqatigiiffii isumaqarput.
Kujataani aalisartut piniartullu pisaminnik ukioq kaajallallugu tuniniaasinnaalernissaat qulakkeerniarlugu Qaqortumi, Narsami, Nanortalimmilu containerinik qerititsivinnik pqqumaataasivinnik inissiinissaq pillugu, Kujataani aalisartut piniartullu peqatigiiffiisa Innovation South Greenlandillu suleqatigiillutik suliniutaat, Avannaani sikusartumi atorluarneqarsinnaasoq, aalisartut piniartullu peqatigiiffii aamma Great Greenland isumaqarput.
Isumassarsiaq pitsaasoq
Kujataani piniartut aalisartullu pisaminnik piffissami aggersumi qerititsivinnut containerinut toqqorterisinnaalissapput, taamaalillutillu silap unerisimannginnerani angallaviunngikkaluarpalluunniit pisaminnik, ukiup ingerlanerani katersorsimasaminnik, tuniniaasinnaalissapput. Isumassarsiaq taanna Kujataani aalisartut piniartullu kiisalu Innovation Greenlandip ineriartortissimasaat, Avannaani sikusartumi atussallugu tulluartuusoq, aalisartut piniartullu peqatigiiffiisa Sermitsiamiit attavigineqartut oqaatigaat.
