Pisiffik nerisassanik eqqaanermut akiuiniartoq
Nerisassat igiinnarneqartartut siorna 20 procentinik ikileriarput.
Nerisassanik eqqaaginnartarneq akiorniarlugu iliuuseqarneq pingaaruteqarpoq – avatangiisit aningaasaqarnerlu eqqarsaatigalugit. Pisiffik tamakku pissutigalugit pisiniarfinni uiguleriiaani taakkunani nerisassanik eqqaaginnartarneq ataqatigiissaakkamik siornali iliuuseqarfigalugu aallartippoq.
Aviisi Sermitsiaq taama allappoq.
- Tamanna malunnaateqarluartumik kinguneqareersimavoq, Pisiffimmi nittarsaassinermut, attaveqaqatigiinnermut aamma suliffeqarfiit inuiaqatigiinni akisussaaqataanerannut pisortaq Tina Hansen Sermitsiamut oqarpoq.
- 2023-mi decembarimi 2022-mi decembarimut sanilliullugu nerisassat iginneqartartut aningaasanngorlugit 2,08 procentimit 1,71 procentimut ikileriarsimapput. Tassa nerisassat iginneqartartut tamarmiusut 20 procentingajannik ikileriarsimapput – tamannalu malugineqarsinnaavoq – suliffeqarfiup aningaasaqarneranut atatillugu pingaartumillu avatangiisinut atatillugu.
Aviisimi Sermitsiami atuarnerusinnaavutit. Aviisi uani pissarsiariuk:
