Pisiffiup illoqarfiup immikkoortortaani Nuussuarmi misiliiniarluni sanaartornermik annertuumik aallartitsivoq, Sarfaarsuit-center.
Sanaartugaq Manguaqqap Borgmesterillu Anniitap Aqqusernata killinganiippoq, 9.000 kvadratmeterisut angitigisoq Permagreen Grønland A/S-imit sananeqarluni.
Pisiffiup illoqarfiup immikkoortortaani Nuussuarmi misiliiniarluni sanaartornermik annertuumik aallartitsivoq, Sarfaarsuit-center.
Sanaartugaq Manguaqqap Borgmesterillu Anniitap Aqqusernata killinganiippoq, 9.000 kvadratmeterisut angitigisoq Permagreen Grønland A/S-imit sananeqarluni.
– Pisiniarfimmi 2026-mi aasakkut ammartussami niuertarfik, neriniartarfik pequtaarniarfiillu ataatsimuussapput, Pisiffiup pisortaanera Per Steen Larsen Sermitsiamut oqarpoq.
Nuussuaq Nuup Qinngorpullu akornanniittoq susoqarfiunngitsutut qinngasaarutigalugu taaniarneqartarpoq, Naatsorsueqqissaartarfiulli kisitsisaataasa kingulliit oktobarip aallaqqaataani saqqummiunneqartut naapertorlugit illoqarfiup immikkoortortaani 7.573-inik inoqartoq takuneqarsinnaavoq.
- Illoqarfiup immikkoortortaani niuertarfimmik anginerusumik sivitsortumik amigaateqarfiusumi sanaartortoqarpoq. Pisiffik Nuussuarmi Akikimi akikitsunik nioqquteqarfiusumik pisiniarfeqarpoq, tassanilu pisisartut ulluinnarni pisariaqartitaminnik aalajangersimasumik akikitsunik pisisinnaapput. Pisiniarfimmilli anginerusumik assigiinngitsorpassuarnillu nioqquteqartumik amigaateqartoqarpoq, tassani pisisartut sapaatip-akunneranut neqeroorutit pisianillu neqeroorutit iluaqutigisinnaallugit, Per Steen Larsen oqarpoq.
Nuussuarmi Akikip pisiniarfia Sarfaarsuit-centerip ammarneqarnerata kingorna allannguuteqassanngilaq.
Nuussuarmi illoqarfiliarit
Sarfaarsuit-centeri neriniartarfeqassaaq, Nuullu qeqqanukanngikkaluarluni neriartorfigineqarsinnaassalluni.
- Neriniartarfik ulloq naallugu neriartorfigineqarsinnaassaaq ornigiuminassallunilu. Tuaviorluni ulloqeqqasiorniaraanni, eqqissilluni ualikkut tamussersorusukkaanni imaluunniit soraareernerup kingorna angerlamukaarnermi unnukkorsiorniaraanni, Per Steen Larsen oqarpoq.
Pisiffiup pisortaanera Per Steen Larsen: - Illoqarfiup immikkoortortaani niuertarfimmik anginerusumik sivitsortumik amigaateqarfiusumi sanaartortoqarpoq.
Assiliisoq: Pisiffik
Neriniartarfik najugaqartunit ornigarneqartarnissaa aammalu Nuummiit Qinngorpumiillu atorluarneqarnissaa naatsorsuutigineqarpoq.
Pequtaarniarfiit ataatsimoortillugit
Suliumatuup inuussutissarsiortup Svend Jungep suli suliumatunermut Lars Larsenimut Jyski Nuummi immikkoortortaqarfeqalernissaa 1983-imi siunnersuutigaa. Lars Larsen nammineq Kalaallit Nunaanni pilersaaruteqanngilaq isumassarsiarli tapersersorlugu. Svend Jungep pisiniarfik apriilip 12-ani 1984-imi ammarpaa, taamaalillunilu Jyski immikkoortortaqarfeqalernera aallartippoq.
Pisiffiup Ilulissani, Aasianni, Sisimiuni, Maniitsumi, Nuummi Qaqortumilu Jyskit maanna ingerlappai.
– Nuummi Industrivejimi pisiniarfik ullutsinnut naleqqukkunnaarsimavoq, sanaartukkamilu suliniummi pisiniarfiup Jyskip centerimut nutaamut nuunneqarnissaa qitiuvoq, Per Steen Larsen oqarpoq.
Pisiffiup Sweet Home Greenland, pequtaarniarfik, 2019-imi pisiaraa. Pisiniarfik Nuummi Pukuffimmi Ilva-p pisiniarfiatut maanna ingerlavoq, pisiniarfillu taanna aamma centerissamut nuussaaq.
– Pisiniarfiit taakku marluk Sarfaarsuit-centerimiilernerisigut pitsaanerusumik ingerlallualernissaat naatsorsuutigaarput, Per Steen Larsen oqarpoq.
Ataatsimut aaqqiissutissaq
Nunap illoqarfiisa pingaarnersaanni pisiniartariaatsip allanngorneranit aallaaveqarnera Nuussuarmi misiliinermi aamma isiginiarneqassaaq. Nuussuarmi Qinngorpumilu najugallit illoqarfiup qeqqanut maanna pisiniartarput, tamanna Nuummi angallannikkut unammilligassaqarsinnaasarpoq. Illoqarfiup immikkoortortaani marlunni pisiniarsinnaanngorneq Nuummi angallannermik annikillisaataassallunilu Nuussuarmi Qinngorpumilu pisoqanerulerneranik kinguneqassaaq.
Taamaattumik Pisiffiup pisiniarfik Nuup Qinngorpullu akornanni inissinneqarnera periarfissatsialattut isigaa.
- Inissisimaffia illoqarfiup angallaffiunerpaartaaniippoq, inuppassuillu amerlasuut ullormut tassuunaqquttarput. Sumiiffik Nuussuarmiunut illoqarfiullu immikkoortuisa sinnerani najugalinnut pisariitsumik sukkasuumillu pisiniarsinnaanermik neriniartarfimmilu nerisinnaanermik periarfissaqalersitsissaaq, Per Steen Larsen oqarpoq.
– Nuussuarmi sooq taamatut misiliisoqarpa?
– Sarfaarsunni suliniut Pisiffiup Nuummi pisiniarfiutiminik pitsanngorsaanissaanik pisariaqartitanillu matussusiinissaanik periusissiaanut naapertuuppoq. Niuertarfik, neriniartarfik pequtaarniarfiillu marluk ataatsimoortinnerat ataatsimut aaqqiissutissatut eqqarsaatigineqarput. Pisiniartartut ulluinnarni inuunerannik pisariillisaataasoq, tassa summiffimmi ataatsimi pisiniarsinnaanermik periarfissiisumik, Per Steen Larsen oqarpoq.
Pisiffik Nuummi, Nuussuarmi Qinngorpumilu katillugit pisiniarfinnik 15-inik peqarpoq; Pisiffik, Elgiganten, Torrak Fashion, Pisattat, Akiki, Spar, Nota Bene, Jysk aamma Ilva.
