Nuummi nunanut tamalaanut mittarfik nutaaq aqqutigalugu aalisakkanik,
qalerualinnik suannillu qaqerlaanik assartuineq ajornannginnerujartuinnarpoq,
aamma Danmarkimut timmisartumik assartuineq siuariartorpoq, Nutaaq Seafoodimit,
aalisartunik pisaminnik akitsorterussivinnut avammut tunisineq pillugu
siunnersortaasartunit, naliliisoqarpoq.
- Ineriartornerput aalisakkanillu qaqerlaanik avammut
tunisilluta misiliinigut siorna iluatsinngitsoorsimasagut maanna iluatsippagut.
Nuummi nunanut tamalaanut mittarfik nutaaq aqqutigalugu aalisakkanik,
qalerualinnik suannillu qaqerlaanik assartuineq ajornannginnerujartuinnarpoq,
aamma Danmarkimut timmisartumik assartuineq siuariartorpoq, Nutaaq Seafoodimit,
aalisartunik pisaminnik akitsorterussivinnut avammut tunisineq pillugu
siunnersortaasartunit, naliliisoqarpoq.
- Ineriartornerput aalisakkanillu qaqerlaanik avammut
tunisilluta misiliinigut siorna iluatsinngitsoorsimasagut maanna iluatsippagut.
- Pingaartumik maanna Nuummi mittarfiup piareersarluarsimanera pissutigalugu
periaatsivut, aamma allaffissornikkut suliassat, ingerlalluarput, taamaammallu
KANUAANA-p aalisakkat qaqerlaat avammut tunineqartarneri pillugit nalunaarutaa
kingulleq, maleqqissaagarput, aalisartut siunnersoraangatsigt
suleqatigigaangatsigillu tapersiinnarsinnaavarput, Nutaaq Seafood ApS-imi
pisortaq Mads Petersen oqarpoq.
- Aalisartorpassuit aalisakkanik qaqerlaanik nunanut
allanut nassiussinissamik soqutigisaqarput, Nuummiinnaanngitsoq, aammali
allanik, pisaminnik Nuummi tulaassinissamut piareersimasunik, tassami arlalippassuarniit
sianerfigineqartarpugut, Mads Petersen oqarpoq.
Poorski sioqqullugu akitsorterussinermi akit qaffasinnerpaasut
Aalisarneq apriilip aallaqqaataani aallartissinnaasoq nipisanniarnermut aqutsinermi piumasaqaataavoq. Silap pissusia aamma
aalajangiisuuvoq, taamaammallu aalisartut poorski sioqqullugu
akitsorterussinermi akigitinneqartut qaffasinnerpaaffiannit pissarsinissamut
piffissakipput, Mads Petersen nassuiaavoq.
- Europami aalisakkanik tuniniaanermi akigitinneqartut
pitsaasut aalisartut iluaqutigissappatigit poorski sioqqullugu akigitinneqartut
pitsaasuusarput, poorskillu kingorna pisat qaqerlaat timmisartukkut
nassiunnissaat imminut akilersinnaajunnaassaaq, Mads Petersen oqarpoq.
Aalisakkanik tuniniaanerup ukiuni kingullerni ammanerulernera kiilumut akigitinneqartunut iluaqutaavoq, tassami aalisartut aalisakkanik qaqerlaanik Danmarkimut Europamullu nassiussisinnaalerput, Nutaaq Seafoodimit naliliisoqarpoq.
Assi nammineq pigisaq
Islandimiut aalisartui nipisat suaannik qaqerlaanik ukioq manna
januaarimiit, februaarimiit marsimilu Danmarkimi pisisartunut
nassiussissuipput, taamaalillutillu niuerfimmi misilittagaqarluarlutik,
taamaammat kalaallit aalisartuinut, nipisat suaannik qaqerlaanik
suliarisimasanillu aalisakkanik akitsorterussisunut nassiussisut,
unammillernerpaavaat. Qallunaat aalisartui ukioq manna nipisat
suanniarsinnaasimanngillat.
Nutaaq Seafoodimiit aalisartoq Nuummeersoq
nipisat suaannik 100 kiilunik aqaguanilu 400 kiilunik Hanstholmimi aalisakkanik
akitsorterussivimmi tunisinissaanut poorski sioqqullugu ikiorpaa, tassani
aalisartut nassiussani siulliit kiilumut 130 koruunilerlugit aqaguanilu nassiussani
kiilumut 101 koruunilerlugit tunisinnaasimavai.
- Danmarkimi akitsorterussisunut nassiussinermigut Nuummi
aalisakkerivimmut tunisissagaluaruni iluanaarutigisinnaasaminiit
iluanaaruteqarneruvoq, ajornartorsiulli tassaavoq poorskip kingorna niuernermi
akit appartarmata, taamaammallu akit taama appariartupallammata nipisat suaat
qaqerlaat nammineerluni Danmarkimut nassiutissallugit
soqutigineqarpallaanngilaq, aalisartummi nassiussinermut aningaasartuutit
nammineq akilertussaavai, Mads Petersen oqarpoq.
Aalisagaarniat igasullu
Maanna aalisagaarnianut igasunullu nipisat suaannik qaqerlaanik
akigissaartitsillutik pisiumasunut isumaqatigiissusiornissaq tullinnguuppoq.
- Nioqqutissat pitsaasuusut aalisagaarniat igasullu
isumaqartarput. Taakkua kusanasaaraluni nerisassiornermi suannik qaffasissumik
pitsaassusilinnik taasarpaat, tassami aalisartup eqqiluisaarneq
eqqarsaatigalugu suliarisimammagit, taamaammallu aalisagaarniat igasullu
akigissaartitsillutik pisiarinissaat soqutigisaraat, tamannalu tupinnanngilaq,
nipisammi suaat qaqerlaat aalisartup peqqissaarluarsimanera pissutigalugu
salinneqarsimanersut imaluunniit aalisagaanersut takuneqarsinnaanngilaq. Taama
peqqissaartigisumik suliarineqarsimapput, Mads Petersen oqarpoq.
Aalisagaarnianit pisiniartartunillu allanit, aalisartunit toqqaannartumik
pisinissamik soqutiginnittunit saaffigineqartarpoq.
- Ineriartortariaqarpoq
amerlanerusunillu periarfissinneqaruni ineriartulissaaq. Ukiuni tulliuttuni
pitsaasunik angusaqartoqarnissaa naatsorsuutigaarput, Mads Petersen oqarpoq.
Maanna aalisagaarnianut igasunullu niuerneq tullinnguuppoq, Nutaaq Seafood ApS-imiit oqaatigineqarpoq.
Assi nammineq pigisaq
Najukkami aalisarnermut iluaqutaasoq
Aalisartut Nutaaq Seafood ApS-illu suleqatigiilluarnerat
toqqaannanngitsumik tunisinermi akit qaffakkiartornerannut sunniuteqaqataasoq Mads Petersen isumaqarpoq, tassami
aalisartut aalisakkanik qaqerlaanik nunanut allanut timmisartukkut
assartuinissaminnut periarfissaqarput.
- Aalisakkat pisat qaqerlaat avammut tunineqarnissaannut
periarfissaqalerfinni akit qaffakkiartulerput. Assersuutigalugu Royal
Greenlandip saarulliit qaqerlaat nerpiinik misileraanikkut nunanut allanut
nassiussisarnera Nuummi aalisartunut iluaqutaavoq. Aamma nipisat suaannut
taamaappoq, tassami kiilumut akii qaffalaarsimapput.
- Niuernerup ammanerulernera
pissutigalugu tunisinermi akit pitsaanerulersimasut nalilerpara, taamaammat
pitsaanerulersitsiniarluta aalisartut suleqatigigaangatsigit
kinguneqarluartarpoq, aamma aalisartut tamaasa kattuffiit il.il.
apeqqutaatinnagit siunnersortussaavagut, Mads Petersen oqarpoq, taassumalu
nipisat suaasa ukiumut akiisa siornamut sanilliullugu kiilumut 5 koruuninik
qaffansimanerat takusinnaavaa.
