Pisortap Hup pitsaanngitsumik eqqartorneqarneq tupigusuutigaa
- Saviminermik piiaanissamik suliniut tusagassiuutinit paasineqarsimanngivippoq. Taama oqarpoq aatsitassarsiorfiup London Miningip nunatsinni suliffeqarfiutaani pisortaq
- Qaammatini kingullerni marlunniit pingasuni Danmarkimi tusagassiuutini pitsaanngitsunik nutaarsiassaqarsimaqaaq. London Miningigooq Kalaallit Nunaanni nalilinnik tillinniarpoq, akikinnersiuillutagooq sulisussarsiorniarpugut aamma kalaallinngooq iluaqusernianngikkivut. Tusagassiuutilli suliniut suunersoq paasisimanngilaat. Tusatsiakkat tunngavigalugit asuli isummersortarput. Tamanna suliniutitsinnut annertuumik ajornartorsiutaavoq aningaasaleerusussinnaasunillu ajortumik sunniuteqarluni, London Miningip nunatsinni suliffeqarfiutaani pisortaq Xiaogang Hu oqarpoq.
Tamanna pivoq Berlingskemi Xiaogang Hup Københavnimi oqaloqatigineqarneran i. Taanna ullumikkut sapaammi saqqummiunneqarpoq. Oqaloqatigineqarnera tamaat atuarsinnaavat uanir
Læs også: To ud af tre danskere vil have del i råstofferne
Tusagassiuutini pitsaanngitsumik eqqartorneqarnertik aamma Kinamut anngussimasoq uggornartuutippaa. Tassani qallunaat kissassimaartumik oqallinnerat atoruarneqarsinnaallunilu takuneqarsinnaavoq.
London Mining pisortaalu Hu Kinamiunik ernummateqarnermut takussutissaalersimapput. Berlingskemulli oqarpoq:
- Nunarsuarmi sumiluunniit suliffeqarfiip entreprenørip Kinameersuuguni allamiilluunniit inatsisit malittussaavai. Sianiinnaarinissamut inissaqanngilaq, pisortaq oqarpoq.