Pisortaqarfik: Nannut qanillattornagit
Nannut inunnik navianartorsiortitsisinnaapput. Arlaatigut nannumut kamassaataasinnaasumik paamisaarisoqassanngilaq
Aalisarnermut, piniarnermut nunalerinermullu nakkutilliisoqarfiup inuit nannunik malersuisarnerat sakkortuumik mianersoqqussutigaa.
Taama mianersoqqussuteqarneq pivoq Kalaallit Nunaanni Aalisarnermik nakkutilliisoqarfiup sapaammi nannumik toqutsisariaqalernerata kingorna, nanumik Nuummi innuttaasunit assut alutorsaatigineqartumik. Nanoq toqunneqarnermi kingorna Pinngortitaleriffimmut misissugassanngorlugu ingerlanneqarpoq.
Nannunik nerlersuinerup inerteqqutaanera aamma nunakkut imaatigulluunniit nanunik alapernaaserluni malinnittarneq Kalaallit Nunaanni Aalisarnermik nakkutilliisoqarfiup kaammattuutiginngeqaaq.
Nerlersuineq nannut inoqarfiusunut utikalersinnaanerannik kinguneqarsinnaavoq. Nannut inunnik navianartorsiortitsisinnaapput. Arlaatigut nannumut kamassaataasinnaasumik paamisaarisoqassanngilaq, APNN tusagassiivinnut allapput.
- Eqqaamaneqartariaqarpoq nanoq uumasuummat nujuartaq ulorianartorujussuanngorsinnaasoq naatsorsuutigineqarsinnaanngimmata. Kikkulluunniit nannunniarnissaminnut allagataqanngitsut nannumik takugunik erngerlutik sumiiffik qimassavaat nanoqarneralu APNN'imut politiinut imaluunniit sumiiffimmi piniarnermut nakkutilliisumut kommunefogedimulluunniit kalerriutigalugu.