Pisortat kukkunerat Greenland Expressimut kinguartoortitsisivoq

'Asasarput Greenland Express aqqutigalugu angalasoq

Angaallannermut Aqutsisoqarfiup Greenland Expressip Danmarkip Kalaallit Nunaatalu akornani timmisartuussisinnaaneranut qinnuteqaataa suli suliarisimanngilaa. Aviisimi AG-mi tamanna allaaserineqassaaq.'

Greenland Express sullitaminut taamatut allappoq. Atuagagdliutit/Grønlandspostenip naqiterneqarnerata nalaani tamanna mailikkut nassiussuunneqarpoq. Gert Braskip Kalaallit Nunaannut Kalaallit Nunaanniillu timmisartuussisarnissamik qinnuteqaataa Angallannermut Aqutsisoqarfimmit suli suliarineqarluni aallartinneqarsimanngilaq, naak timmisartuussinerit maajip qiteqqunneqarani aallartittussatut pilersaarutigineqaraluartut. Greenland Express februaarimili qinnuteqarsimavoq, tamanna AG-mit allaaserineqarpoq.

Maajip qiteqqunnerani aallartit- toqartussaammat, Greenland Expressip Billundimiit Københavnimiillu Kangerlussuarmut aamma Narsarsuarmut timmisartuussisalernissaanut tunngassuteqartut tamarmik inissikannerneqartussanngoraluarput.

Kinguartitsineq
Timmisartuutileqatigiiffik mailimi ilaatigut ima aamma allappoq:

'Timmisartuussinissat kinguartinneqariaannaapput. Timmisartuutileqatigiiffipput aqqutigalugu angalaniartut piffissaq sivisunerusoq atorlugu imminiinerminnit angalanissartik pisiarisimassagaat periarfisseerusuppugut. Taamaattumik Danmarkimit Kalaallit Nunaannut timmisartuussinissat tamaasa unitsinneqarallarput maajip 14-anit juunip 14-t ilanngullugu angallassinerusussaagaluartut.

Angallannermut Aqutsisoqarfik qinnuigaarput qinnuteqaaterput suliareqqullugu, taamaasilluni juunip 15-ani timmisartuussisinnaalerniassagatta.' Greenland Express allappoq.

Timmisartuutileqatigiiffik unammillertaat Aluu Airlines aggustimit timmisartuussisinnaalernissartik naatsorsuutigaat.

Angallannermut Aqutsisoqarfiup Greenland Expressimut suliaa pillugu annertunerusumik aviisimi AG-mi sapaatip akunnerani matumani saqqummersumi atuarneqarsinnaavoq. Aviisi ataani pisiariuk:

AG Uge 17 2015

Klik her for at læse