Platinimik ujaasineq annertusineqarpoq
NunaMineralsip Nuup avannaani Niaqunngunami ujaasinerata angusai nukittunerusumik tunngavissiipput platinimik ujaasinerup nanginneqarnissaanut.NunaMineralsip ujaasinini 2007-imi annertusissavaa, siunertaalluni Niaqunngunami qilleriffissap sumiissusersineqarnissaa.
" 2004-mi Niaqunngunami platineqarsinnaanera paasivarput, 2005-imilu 20006-imilu aaqqissuussaasumik sedimentinik (kinnernik ujaranngortunik) misissugassanik 1000-t sinnilinnik katersisimalluta platineqarfiit pitsaanerpaat sumiissusersiniarlugit. Platinimik ujaasineq akisuujuvoq pissutigalugu annertuumik misissuisoqartariaqartarmat aammalu naammagittartorujussuusariaqarluni. 2006-imili angusat pitsaasuupput 2007-imilu platinimik ujaasinerput annertusiniarparput, ilaatigut qilleriffissamik sumiissusersiniarluta", pisortaq Ole Christiansen Jern og Meal Industrienimut oqarpoq.
Qillikkani misissukkanit angusat pingaaruteqarnerpaat ilaatigut tassaapput tamaani siammasissumik platineqartoq, palladiumeqartoq, primære kromitlageqartoq, qaarsunillu misissukkat tonisimut 2,1 grammimik platinimik saafiugassartaqartut.