Esbjergimi suliffeqarfik Polar Salmon Hjerting Laks kapisilinnik
pujuukkanik gravikkanillu tunisassiortoq suliami nuanniitsumi
qitiulersimavoq.
Aalisakkerinermik
suliffeqarfik piffissap sivikitsup iluani aappassaanik
Inuussutissalerinermik aqutsisoqarfimmit politiinut
nalunaarutigineqarpoq, TV-2-p tusagassiorfia tvSyd Syd- aamma
Sønderjyllandimi tusagassiisartoq oqaluttuarpoq.
Esbjergimi suliffeqarfik Polar Salmon Hjerting Laks kapisilinnik
pujuukkanik gravikkanillu tunisassiortoq suliami nuanniitsumi
qitiulersimavoq.
Aalisakkerinermik
suliffeqarfik piffissap sivikitsup iluani aappassaanik
Inuussutissalerinermik aqutsisoqarfimmit politiinut
nalunaarutigineqarpoq, TV-2-p tusagassiorfia tvSyd Syd- aamma
Sønderjyllandimi tusagassiisartoq oqaluttuarpoq.
Esbjergimi suliffeqarfik
Polar Salmon Hjerting Laks,
suliffeqarfissuup Polar Seafood Denmarkip pigisaa januaarimi inuussutissalerinermik aqutsisoqarfimmit politiinut
nalunaarutigineqarpoq Danmarkimi pisinianut kapisilinnik
inuussutissanik bakteerissanik listerianik mingutsinneqarsimasunut.
Tamanna
pivoq oqartussaasut ilisimatinnagit, imaluunniit tunisassiaq
utertinnagu, januaarip naanerani nunap immikkoortuani tusagassiorfik
JyskeVestkysten oqaluttuarpoq.
Aqutsisoqarfiup
inuussutissanik nakkutilliinermut angalaqatigiittartuisa atimik
taasinani nalunaarfigineqarnermikkut Hjerting Laks misissuiffigaat.
Danmarkimi
Polar Seafood Denmark, Kalaallit Nunaanni suliffeqarfissuarmit Polar
Seafoodimit affarmik pigineqartup Polar Salmon Hjerting Laks
ulluinnarni Hjerting Laksimik taaneqartartoq nakkutigisarpaa
pingaarnertullu piginneqataasuulluni.
Pisortaq
ajuusaartoq
Inuussutissat
nereriaannaat bakterissanik listerianik imaqartussaanngillat.
Tunisassiat listeriaqartut navianarsinnaapput. Polar Seafood
Denmarkimi pisortaaneq Henrik Leth nassuerpoq pisimasorlu
ajuusaarutigalugu.
- Pingaarnertut nuannaarutigaarput kapisilinnik tunisassiat atuisunut anngussimannginnerat. Misissukkat listeriaqartut paasineqarmat, erngerluta utertippavut tamannalu iluatsippoq. Taamatut isigalugu ajuusaarutigaarput pisimasoq pillugu Inuussutissalerinermik aqutsisoqarfiup nalunaarfiginissaa pikkoriffigivallaarsimannginnatsigu, pisortaaneq Henrik Leth tvSydimut oqarpoq.
Siorna novembarimi
Hjerting Laksip paasivaa kapisillit kissartumi pujuukkat
listeriaqartut, tunisassiallu utertillugit, februaarip 27-ani
inuussutissalerinermik aqutsisoqarfiup nakkutilliinermi nalunaarusiaa
kingulleq naapertorlugu.
Maleruagassanili
piumasaqaatit naapertorlugit suliffeqarfiup tunisassiat
utertinneqarnerat pillugu aqutsisoqarfimmut nalunaarutigisimanngilaa.
Taamaattumik Hjertin Laks kingumut inuussutissalerinermik
aqutsisoqarfimmit politiinut nalunaarutigineqaqqippoq,
aqutsisoqarfiup inuussutissanik misissuisuisa angalaqatigiittartut
malitseqartitsiniarlutik takuniaaneranni.
- Suliffeqarfik politiinut nalunaarutigineqarpoq inuussutissat listeriaqartut navianartut utertinneqarnerannut atatillugu Inuussutissalerinermik aqutsisoqarfiup attavigisimannginneranut. Siusinnerusukkut taamaattut ittumik politiinut nalunaaruteqartoqarpoq, februaarip 27-ani Inuussutissalerinermik aqutsisoqarfiup nakkutilliinermut nalunaarusiaani allassimavoq.
Oqartussaasunut
ilisimatitsisimannginneq
Aqutsisoqarfik
naapertorlugu suliffeqarfiup tunisassiat listeriamik mingoqartut
tunisimavai. Tamanna pivoq suliffeqarfik oqartussaasunut
nalunaaruteqanngitsoq imaluunniit tunisassianik utertitsinani.
Nakkutilliinermi
misissukkat qulingiluat 2023-24-meersut listeriamik akoqarput,
januaarip 22-ani Inuussutissalerinermik aqutsisoqarfik
nakkutilliinermi nalunaarusiamini allappoq.
- Nalilerneqarpoq suliffeqarfiup listeriaqartoqarneranik uppernarsaatit takusinnaallugillu ilisimasimagai, taamaattorlu utertinnagit Inuussutissalerinermillu aqutsisoqarfik ilisimatinnagu. Januaarip 22-ani 2025-mi ilaatigut maluginiarneqarpoq tunisassiat ilaat ikinnerit toqqorsivimmi mattunneqartut listeriaqartut paasineqarnerata kingornagut, nalunaarusiami tassani allassimavoq.
Taama pisoqaqqinnissaa
pinngitsoortinniaraa
Polar Seafood Denmarkimi
pisortaanerup Henrik Lethip erseqqissarpaa, Hjerting Laksip
siunissami oqartussaasunik ilisimatitsisarneq pimoorunnerussagaa.
Pisortaq naapertorlugu
kapisilinnik suliffeqarfiup pitsaassutsimik nakkutilliineq nutaaq
atulersimavaa.
- Tamanna aaqqipparput ilaatigut pitsaassutsimik nakkutilliinerup annertuumik sukateriffigineqarneratigut sukumiinerusumillu ingerlanneratigut, Henrik Leth tvSyd naapertorlugu oqarpoq.
Listeriamut suliaq
Danmarkimi tusagassiorfinnit alaatsinaanneqangaatsiarpoq. TvSydip
JyskeVestkystenillu saniatigut EsktraBladet Jyllands-Posternilu
suliamik saqqummiussipput.
