KL

DK

PolarExpo katersuuffiusoq

Ilulissani PolarExpo oktobarip arfineq-pingajuannit qulingannut ingerlanneqaqqissaaq. Aalisarneq pillugu nittarsaassineq peqataasorpassualik aalisarnermik ingerlataqartunut taakkualu pisiniarfigisartagaannut pingaaruteqarpoq.

Qalut Vóninimi pisortaq Cuno Jensen (talerperleq) Nuummi immikkoortortaqarfimminni suleqatini tallimat ilagalugit peqataassaaq. Nioqqutissiornermi pisortaq, Frederik Brummerstedt immikkoortortamilu aqutsisoq, Hans Peter Jensen ilaatigut peqataassapput.
Jesper Hansen freelance tusagassiortoq
Saqqummersinneqarpoq

- PolarExpo Qalut Vóninimut tulluarluinnartuuvoq. Suliffeqarfiup pisortaa Cuno Jensen oqarpoq. Taanna Qalut Vóninip ilulissani aalisarneq pillugu nittarsaassinermut peqataanissaanut maannakkorpiaq piareersarpoq. Nittarsaassineq oktobarip arfineq-pingajuannit qulingannut pissaaq.

- Nittarsaassineq pisisartutta Kalaallit Nunaata avannaatungaaniittuunerusut, oqarasuaatikkut oqaloqatiginerusakkatta, tikillugit oqaloqatiginissaannut periarfissatsialaavoq. Inuttut atassuteqarneq aalisartunik piniartunillu oqaloqateqarneq uagut niuerfitsinni, Kalaallit Nunaannut saaffiginnittumi, isumaqartorujussuuvoq.

- PolarExpo Qalut Vóninimut tulluarluinnartuuvoq. Suliffeqarfiup pisortaa Cuno Jensen oqarpoq. Taanna Qalut Vóninip ilulissani aalisarneq pillugu nittarsaassinermut peqataanissaanut maannakkorpiaq piareersarpoq. Nittarsaassineq oktobarip arfineq-pingajuannit qulingannut pissaaq.

- Nittarsaassineq pisisartutta Kalaallit Nunaata avannaatungaaniittuunerusut, oqarasuaatikkut oqaloqatiginerusakkatta, tikillugit oqaloqatiginissaannut periarfissatsialaavoq. Inuttut atassuteqarneq aalisartunik piniartunillu oqaloqateqarneq uagut niuerfitsinni, Kalaallit Nunaannut saaffiginnittumi, isumaqartorujussuuvoq.

Qalut Vónin Nuummi qullersaqarfeqarpoq, Sisimiuni, Aasianni Ilulissanilu aamma immikkoortortaqarfeqarluni. Nittartakkatigullu pisiassarpassuarnik soorlu aallaasinik, aalisarnermut atortunik atisanillu pisiarineqarsinnaasunik pisiniarfeqarpoq.

- Nittartakkatigut pisiniarfipput Kalaallit Nunaanni tamanit pisiniarfigineqartarpoq – Nunavummit aamma pisiniarfigineqallattaartarpoq, Cuno Jensen oqaluttuarpoq.

Pisisartut naapinnerisa pingaassusaa

- Uagut aalisartut piniartullu pisariaqartitaannik ilisimasaqarluarpugut, taamaattumik atorfissaqartitaannik tuniniaasinnaalluta. Aalisarnermili piniarnermilu atortut ineriartortuarput taamaattumik pisisartut suleqatillu ornillugit oqaloqatiginissaat aamma pingaaruteqarpoq – uanilu Polar Expomi periarfissarujussuit takuagut.

- Ukiut tamaasa peqataasarpugut – siullermik Sisimiuni kingusinnerusukkullu Ilulissani nittarsaassisarneq ukiuni taakkunani ineriartorsimasoq nalunanngilaq. Annermik nittarsaassineq Ilulissanut kingullermik aammalu ukioq manna nuunneqareernerata kingorna. Polar Expo suliamik ilisimasallit inuussutissarsiortut naapiffigisarpaat, taamaattumik peqataaneq uatsinnut pingaaruteqartorujussuuvoq, Cuno Jensen oqarpoq.

Taanna Nuummi allaffeqarfimmi suleqatini tallimat ilagalugit peqataassaaq. Nioqqutissiornermi pisortaq, Frederik Brummerstedt, suliffeqarfimmi kilisaatit pillugit ilisimasaqarluartoq peqataasussanut ilaavoq.

- PolarExpomi nunani allaniittut suleqatigisartakkagut qaninnerit peqatigissavagut. Taakkua tassaapput Savalimmiuneersut Oilwind, ningittagarsuut nutaarluinnaq, kallerup innitortoq, Kalaallit Nunaanni atugaalluarnissaanik neriuuteqarfigisarput, saqqummiutissavaat. Taanna 24 volti atorlugu ingerlasarpoq immikkullu ittumik generatorimik atorfissaqartitsinani, taamaattumik ningittagarsorluni aalisartunut pitsanngorsaataasinnaagaatsiarpoq.

- Saqqummersitsivitsinni qassusiorlutillu kilisaatini atortunik sanaartortartut, Ringkøbingimeersut, Islandimeersullu aalisarnermi atisanik sanaartortartut, Mar-Wear aamma naapinneqarsinnaajumaarput.

Suleqatigiinneq

PolarExpo KNAPK-p, QAK-p, Avannaata Kommuniata, Aalborg Kongres- og Kulturcenter-ip (AKKC), teknikkikkut aaqqissuisuusup, suleqatigiilluarnerisigut piviusunngussaaq. Saqqummersitseqatigiinneq Ilulissani timersortarfimmi ingerlanneqassaaq.

- PolarExpo Fishing & Huntingimut alakkaallutik pulaartussat illup iluani inersuarnut marlunnut tikilluaqqusaassapput. Saqqummersitsisut Kalaallit Nunaanneersuussapput, Islandimeersuussapput, Danmarkimeersuussapput Savalimmiuneersuussallutillu taakkualu aalisarnermi inuussutissarsiortunut nutaarsiassaateqarlutik saqqummersitsissapput, AKKC-mi tusagassiorfinnut attaveqarnermut pisortaq Anna Højen oqaluttuarpoq.

- PolarExpo Fishing & hunting Kalaallit Nunaanni aalisarneq piniarnerlu pillugit nittarsaassiviit anginersaraat. Saqqummersitseqatigiinnermi sammisanut tunngasunik ilisimasaqarnerulerusuttunut periarfissaqassaaq, aalisarnermut piniarnermullu tunngasunik nittarsaassisoqarluni isumasioqatigiittoqassaaq.

Peqataaniarlutik nalunaartut 50-iupput. Peqataasussat ima agguataarsimapput, Kalaallit Nunaannit 27-t, Danmarkimit 13-it, Savalimmiunit sisamat, Islandimit pingasut, Kina-mit marluk Sverigemiillu ataaseq.

Kim aamma aggissaaq

- Inuit 2.000-t takuniaassasut naatsorsuutigaarput. Nittarsaassisut saniatigut pissanganartunik pisussaqarpoq, soorlu ph.d., Sascha Schiøtt, Kangia pillugu saqqummiissaaq, aalisartunut aningaasarsianik suliaqartarfik nutaaq pillugu saqqummiisoqassaaq allanillu amerlasuunik pissanganartunik pisoqassaaq, Anna Højen oqarpoq.

Nittarsaassinermut aaqqissuisut aalisarnermut piniarnermullu naalakkersuisup, Kim Kielsenip, tikilluaqqunissaa qilanaareqaat.

- Aalisarneq Kalaallit Nunaanni inuussutissarsiutini pingaarnersaavoq taamaattumik PolarExpomut peqataassaanga, aalisartullu nunatsinneersut aalisarnermillu ingerlataqartut nunanit allaneersut naapissallugit, Kim Kielsen tusagassiuutinut nalunaarummi oqarpoq.

- PolarExpop nittarsaassineq Kalaallit Nunaanni ingerlateqqimmagu nuannaarutigaara, tamannami aalisartunut aalisarlunilu nunami maani inuussutissarsiornermut pingaaruteqartorujussuummat. Aalisartut aalisarnermi atortut nutaanerpaat maannarlutik takuniarsinnaavaat tuniniaasartullu pisiassat pillugit oqaloqatigisinnaallugit. PolarExpo Kalaallit Nunaanni aalisarnermut naapiffiuvoq. PolarExpo Kalaallit Nunaanni ukiuni amerlasuuni suli ingerlanneqartarnissaa neriuutigaara, Kim Kielsen oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

polar expo fiskeri erhverv inuussutissarsiutit ilulissat jagt- og fiskerimesse

ATORFIIT Se alle jobs

Powered by Labrador CMS