PolarExpo ukiaru nutaanik nittarsaassisussanik piareertoq
Nunatsinni piniarnermik aalisarnermillu nittarsaassisartutuaq, PolarExpo, aaqqissuussamut tulliuttumut nutaanik saqqummersitsisussanik tikilluaqqusinissamut piareerpoq.
Kalaallit Nunaanni piniarnermik aalisarnermillu nittarsaassivituaq, PolarExpo, Kinamiut oktobarimi peqataaffigissavaat.
Aalborg Kongres & Kultur Center
PolarExpo, Kalaallit Nunaanni piniarnermut aalisarnermullu nittarsaassisartuni kisiartaasoq, suliffeqarfinnik inuussutissarsiutinillu allanik nunaqavissunit nunanillu tamalaaneersunit peqataaffigineqartartoq, niuffanneq annertusillugu Kina ilanngunneqartoq nalunaarpoq.
PolarExpo Ilulissani Aalborg Kongres & Kultur Centersimit (AKKC) KNAPK aamma Avannaata Kommunia suleqatigalugit aaqqissuunneqarpoq.
PolarExpo Ilulissani ukioq manna oktobarip arfineq-pingajuannit qulingata tungaanut ingerlanneqassaaq, aaqqissuisulli nittarsaassisussanik nutaanik arlalinnik tikilluaqqusinissartik qilanaaraat. Kinamiut suliffeqarfiutaat arlallit peqataassapput, taakku AKKC-p aalisarnermut niuernikkut nittarsaassineranni ukioq allortarlugu aaqqissuunneqartartumi DanFish Internationalimi peqataasimasut.
Shanghaimiit Ilulissanut
Aaqqissuisut piniarnermik aalisarnermillu nittarsaassinermi peqataasut amerlanerat nuannaarutigaat, nittarsaassinermilu nunanit tamalaanit suliffeqarfiit amerlanerusut peqataassammata najuuttunut toqqangassaqarnerunissaa qilanaarutigaat.
Summer Fang suliffeqarfimmit Tope Exhibition Services Co.-meersoq, Kinamiut nittarsaassinissaannut aaqqissuussisoq, oktobarimut piareerpoq.
- Nittarsaassinerup aaqqissuulluagaanera pissutigalugu PolarExpomi peqataavugut, tamannalu pisisartunut Kinamiunut niuerfiuvoq pingaarutilik. Najuuttut soqutiginnittut naapitnissaat nioqqutigullu pillugit oqaloqatiginissaat qilanaaraarput, neriuutigalugu attaveqarlualernissarput niuernikkullu attaveqarnerit amerlanerusut pilersissinnaassallugit, Summer Fang suliffeqarfimmit Tope Exhibition Services Co.-meersoq oqarpoq. Taanna Shanghaimi ulluinnarni allaffeqarpoq.
AKKC-p Avannaata Kommunia KNAPK-lu suleqatigalugit ukiut allortarlugit saqqummersitsineq ingerlattarpaa. 2022-mi saqqummersitsineq nuannarineqarluartoq 2000-init takuniarneqarpoq.
