Qilalukkat
qaqortat qernertallu mattaat Qaanaami piniartut ilaqutaasalu
aningaasaqarnerannut pingaaruteqarluinnarput, taamaattumik ukioq manna Qaanaami
aalisakkerivimmut Inughuit Seafood A/S-imit Royal Greenlandimillu
pigineqartumut mattaat tunisat ukiut siuliinut naleqqiullugit malunnaatilimmik
qaffariaateqarnerat ilaqutariinnut piniartukkormiunut annertuumik iluaqutaasoq,
aalisartut piniartullu peqatigiiffianni siulittaasoq Adolf Simigaq
oqarpoq.
Ukioq
manna Qaanaamut Siorapalummut Qeqertanullu qilalukkat qaqortat katillugit 29-t
qernertallu 88-it pisassiissutigineqarput.
Qilalukkat
qaqortat qernertallu mattaat Qaanaami piniartut ilaqutaasalu
aningaasaqarnerannut pingaaruteqarluinnarput, taamaattumik ukioq manna Qaanaami
aalisakkerivimmut Inughuit Seafood A/S-imit Royal Greenlandimillu
pigineqartumut mattaat tunisat ukiut siuliinut naleqqiullugit malunnaatilimmik
qaffariaateqarnerat ilaqutariinnut piniartukkormiunut annertuumik iluaqutaasoq,
aalisartut piniartullu peqatigiiffianni siulittaasoq Adolf Simigaq
oqarpoq.
Ukioq
manna Qaanaamut Siorapalummut Qeqertanullu qilalukkat qaqortat katillugit 29-t
qernertallu 88-it pisassiissutigineqarput.
Taassuma saniatigut Qaanaap
avannaani Etah-mut pisassiisoqartarpoq, ukiorlu manna tamaanga qilalukkat
qernertat 15-it pisassiissutigineqarput. Sikuusarneranilli peqquteqartumik
tamaanga pisassiissutit ukiut siuliini nungunneqarneq ajorput,
pisarinngitsuukkallu ukiumut pisassiiffiusumut nutaamut nuunneqartarput. Ukioq
manna Qaanaap eqqaa sikuiaarnerummat Etah-mut angalanissaq ajornannginnerulersimasoq,
tamannalu peqqutaalluni qilalukkat mattaat pisarnermit amerlanerusut
aalisakkerivimmut tunineqarsimasut, aalisakkeriviup pisortaa Ujuut Olsen
oqarpoq.
Tunisat
qaffariangaatsiartut
Qilalukkat
mattaat Qaanaami aalisakkerivimmut siorna tunineqartut 1 tonsi inorpaa, ukiorli
manna 5 tonsit missaat tunineqarput.
- Qilalukkap
mattaanik tunisineq kilomut 150 koruuneqarpoq. Akigitinneqartoq
appasigineqartaraluarpoq, kisiannili mattaap suliarineranut, qerititsivimmi
uninngasuutigineqarneranut nassiunneranullu aningaasartuuteqartarpugut, taakku
aamma matussutissaqartariaqarmata kilomut akigitinneqartoq taamatut inissisimavoq.
- Taamaakkaluartoq
mattannik tunisinissaq ornigineqarluartarpoq, tamannalu aalisakkerivimmi
inunnut pingasut missaannut suliassaqartitsisarpoq, Ujuut Olsen oqarpoq.
Qilalukkap
neqaa tunisaanngilaq, kisiannili ukiuni aggersuni nikkuliassatut
tunisaalernissaa eqqarsaataasoq, taassuma erseqqissaatigaa.
Aningaasanik
isertitsiffiulluartartoq
Qaanaami
aalisartut piniartullu peqatigiiffiat 30-t sinnerlugit ilaasortaqarpoq,
taakkulu amerlanerpaartaat qilalugarniarnermik inuussutissarsiuteqartut,
aalisartut piniartullu peqatigiiffianni siulittaasoq Adolf Simigaq oqarpoq.
- Qilalukkap
angisuup ataatsip mattaa 200 kilo missaanniissinnaasarpoq, taannalu 30.000 koruunit
missaannik naleqarpoq. Taamaattumik qilalugarniarneq piniartut
aningasaqarnerannut pingaarutilerujussuuvoq.
- Ukiorlu
manna tunisat amerlanerunerat ilaqutariit piniartukkormiut inuuniarnikkut
atugaannut oqilisaataavoq, tamannalu soorunami assut nuannaarutigaarput.
- Soorunami
neqaasa tunisaannginnerat uggornarpoq, neriuppugulli siunissami qaninnerpaami
tunisaalerumaartut, taanna oqarpoq.
Qaanaap
eqqaani ukioq kaajallallugu qilalugaqartarpoq, qilalugarniarnerli upernaakkut
sikuerneraniik ukiakkut sikunissaata tungaanut ingerlanneqartarpoq.
Qaanaami
eqqaanilu sikukkut ningittagarsorluni qaleralinniarneq ukiut siuliini
ingerlalluarsimagaluartoq, qalerallit mikinerulerlutillu ikileriarnerannik
peqquteqartumik maannakkut annikitsuinnarmik ingerlavoq. Tamannalu
peqqutigalugu qilalukkat qaqortat qernertallu pisassiissutaasartut
amerlineqartariaqartut, Adolf Simigaq isumaqarpoq.
