Qaleralittassat nungupput
Uummannami qaleralinnik pisassiissutit kingulliit nungummata tunisineq unitsinneqarpoq.
Annonse
Uummannami qaleralittassat septembarip 2-anni 549 tonsinik ilavaat pisasat katillugit 5.549 tonsiningorlugit. Pisassanut ilassutit taakku nunguttut aalisarnermut akuerissutinik nakkutilliisoqarfik nalunaarpoq.
Tamatuma kingunerisaanik qaleralinnik tunisineq sisamanngornermi septembarip 23-anni unitsinneqassaaq.