Qallunaat Killavaat Alannguanut piareerput
PensionDanmarkaamma PKA, Tanbreez Mining Greenland peqatigalugu ujaqqanik aatsitassanik qautigoortunik akulinnik piiaanissaminnut
Kalaallit Nunaanni aatsitassarsiorfimmik pilersitsiniarnermi siullerpaamik qallunaat aningaasaateqarfii aningaasaliisoralugit ingerlatsisoqalerunarpoq.
Berlingske allappoq qallunaat ingerlatsiviutaasa aatsitassarsiornermi anginerusumi aningaasaliinissamik kajumissinnaasut taassaasut soraanerusutisianik katersiviit PensionDanmark aamma PKA, taamarmik australiamiut aatsitassarsiorfiutaannik Tanbreez Mining Greenlandimik oqaloqatiginnilersimasut ingerlatsiviup Narsap kujataani Kangerluarsummi Killavaat Alaannguani suliniutaat pillugit.
- Suliniut pissanganarlunilu neriulluarnarpoq. Neriuutigaara PKAmi ukiup naanginnerani isumaqatigiissuteqarsinnaassalluta imaluunniit australiamiunut qanillattorsinnaassalluta, soraarnerussutisianik katersiviup PKAp pisortaanera Berlingskemut oqarpoq.
Taassuma kissaatiginngilaa oqaatigissallugu soraarnerussutisiassanut katersiviit qanoq aningaasaleerusussuseqassanersut. Ingerlatsivimmiilli 200 aamma 700 millioner akornanni Kalaallit Nunaanni aatsitassarsiornissamut aningaasaliinissaq piareersimaffigineqarpoq, Peter Damgaard Jensen avisimut oqarpoq.