Ilulissat
avannaani nunaqarfiup Qeqertap eqqaaniit Nuussuaq itivillugu Uummannap Sulluani
Ikerasaap akianut, aqqusineq asfaltiligaq naafferarlugu sanaartorneqassasoq, Avannaata Kommuniani kommunalbestyrelsimi Siumup
Naleqqallu ukiuni tulliuttuni sisamani suleqatigiinnissamut
isumaqatigiissutaanni anguniakkanut ilaavoq.
Tamanna
arlalitsigut iluaqutitaqarumaartoq nunaqarfimmi aqutsisut takornarialerisullu
isumaqarput.
Ilulissat
avannaani nunaqarfiup Qeqertap eqqaaniit Nuussuaq itivillugu Uummannap Sulluani
Ikerasaap akianut, aqqusineq asfaltiligaq naafferarlugu sanaartorneqassasoq, Avannaata Kommuniani kommunalbestyrelsimi Siumup
Naleqqallu ukiuni tulliuttuni sisamani suleqatigiinnissamut
isumaqatigiissutaanni anguniakkanut ilaavoq.
Tamanna
arlalitsigut iluaqutitaqarumaartoq nunaqarfimmi aqutsisut takornarialerisullu
isumaqarput.
Periarfissanik
ammaassissasoq
Qeqertamiit
Nuussuaq itivillugu Uummannap Sulluani Ikerasaap akianut ukiuunerani aqqut qamuteralannik
qimussimillu maannakkut atorluarneqarpoq, aqqutillu taassuma ukioq kaajallallugu
atorneqarsinnaalernissaa qulakkeerniarlugu, ukiunili tulliuttuni asfalitilikkamik
tamaana aqquserniortoqassassoq Avannaata Kommunianit siunniunneqarpoq.
Taamaaliornikkut ilaasunik nassatanillu assartuineq maannakkut annertuumik unammillernartoqartoq
annikillisinneqassasoq aammali takornariaqarnerup annertusaaffigineqarneranut
iluaqutaassasoq, 1. viceborgmester Jens Napãtôᴋ', Naleraq, aamma Inatsisartunut
ilaasortaasoq isumaqarpoq.
- Qeqertamiit
Ikerasaap tungaanut aqquserniornissaq Siumumiit pingaartinneqarluni
qaqinneqarpoq. Angisoorsorsuarninguna ilaanni inornartutut isikkoqarsinnaasunik
Siumut anguniagaqartartoq, siunissarlu ungasinnerusoq eqqarsaatigalugu aqquserniassap
takornariaqarnikkut assartuinikkullu periarfissanik nutaanik ammaassinissaa
qularutissaanngilaq.
- Norgemi
Islandimilu aqquserniornerit annertuumik inerisaaffigineqarnikuupput, ukiunilu
kingullerni periuseq taanna nunatsinni annertusiartuinnartumik
eqqumaffigineqaleriartorpoq. Taamaattumik aqquserniassap pineqartup politikkikkut
anguniagassanut ilanngunneqarnera pissusissamisoorpoq.
- Aqquserniassaq
aqagu piviusunngornavianngilaq, kisianni piviusunngortinneqarnissaa
siunertaralugu misissuinerit aallartissapput, taanna oqarpoq.
Taassuma
saniatigut Ilulissaniit Oqaatsunut aammalu Qasigiannguaniit Ilimanamut aqquserniornissat
siusinnerusukkut eqqartorneqartarnikuupput, taakkununngali tunngatillugu maannakkuugallartumut
politikkikkut pilersaaruteqartoqanngilaq.
Annertuumik
iluaqutaassasoq
Ikerasammiit
Qeqertat tungaanut asfaltilikkamik aqquserniornissamik pilersaarut ukiut qulit
iluanni piviusunngortinneqarsinnaasoq, tamannalu avannaani angallannikkut nassatanillu
assartuinikkut annertuumik iluaqutaassasoq, Ikerasammi nunaqarfimmi aqutsisunut
ilaasortaq Kristian Sigurdsen, Siumut, isumaqarpoq.
Ukioq
manna ukiuunerani Ikerasammiit Qeqertamiillu qamuteralannik aqqut taanna
annertuumik atorneqarpoq, aqqullu taanna qanoq pisariaqartinneqartigisoq tassuuna
takuneqarsinnaasoq, taanna isumaqarpoq.
- Nammineerlunga
arlaleriarlugu aqqutiginikuuara aqquserniorfigineqarnissaalu
piukkunnartorujussuuvoq.
- Uummannami
eqqaanilu qulimiguulik atorlugu angallanneq annertuumik unammillernertoqarpoq,
taamaattumik inuppassuit inuunertik navianartorsiortillugu umiatsiamik Nuussuaq
uiarlugu Ilulissanut aallariartortarput.
- Tamaanalu
aqquserniortoqassappat ilaasunik angallassinermut aamma nassatanik
nioqqutissanillu assartuinermut annertuumik iluaqutaassaaq, taanna oqarpoq.
Qeqertami
Saqqamilu aalisartut arlallit ukiuunerani aqqut pineqartoq atorlugu Uummannap
Sulluanut aalisariartarput, kisiannili aasakkut aqqusineqalertuuppat
pisariinnerusumik ATV-it atorlugit Uummannap Sulluanut
angalasoqarsinnaalissasoq, Qeqertami nunaqarfimmi aqutsisunut ilaasortaq
Juaannguaq Jonathansen, Naleraq, isumaqarpoq.
Takornariaqarnermut
iluaqutaassasoq
Uummannamut
imaatigut silaannakkullu aqqutit ajornartorsiutaanerat pissutaalluni
takornarissat tikittartut amerlanngillat. Takornariaqarnerlu
siuarsaaffigineqassappat nutaamik eqqarsarnissaq pisariaqartoq, taamaattumillu
Nuussuarmi ukioq kaajallallugu atorneqarsinnaasumik aqquserniortoqarnissaanik
pilersaarut isumalluarnartoq, Uummannami takornariartitsivimmik Uummannaq
Seasafaris ApS-imi piginneqataasoq, Paaluk Kreutzmann oqarpoq.
Takornarissat
Ilulissanut tikittartut angallammik Qeqertanukariarlutik, ajornanngitsumik
Uummannap Sulluanut ingerlaqqissinnaalissasut, taanna isumaqarpoq.
