Qeqqani takornariartitsivik nutaaq
Albatros Travel, Grønlands Rejsebureau aamma Topas Travel kattullutik Sisimiuni Kangerlussuarmilu takornariartitsineq nukittorsarniarlugu ataatsimoorussamik ingerlatsiviliorput.
Piginneqatigiiffik World of Greenland - Arctic Circle Sisimiuni qitiusumik allaffeqassaaq, Kangerlussuarmi Sisimiunilu suliaqarlunilu allaffeqassalluni. Grønlands Rejsebureau Incomming Sisimiut aamma Albatros Travel Greenland Kangerlussuarmi suliaat ullumimiit suliarilissavai.
World og Greenland- Arctic Circle-ip immikkut pingaartitarissavaa najugarisami suleqatinik angalanissamullu neqerooruteqartartunik, peqatigiiffinnik, outfitterinik, qimussiussisartunillu qanimut suleqateqarnissaq. Piginneqatigiiffimmi nutaami sulisut tassaassapput Kalaallit Nunaanni Angalatitsisuni Incoming sisimiuni aamma Albatros Travel Greenlandip Kangerlussuarmi immikkoortortaaneersuunerussapput.
- World of Greenland - Arctic Circle-p ilisarnaatigissavaa nunap immikkoortuani tamaani misigisassanik nutaanik ineriartortitsinermik salliutitsissagami. Nuna tamakkerlugu takornariaqarnikkut inuussutissarsiornermi eqeersimaartumik peqataarusuppugut, peqatigitillugulu inuussutissarsiummut najukkami piginnaasalinnik pilerisaariniarluni. Anguniarparput, nukittuumik suleqatigiinnikkut Kalaallit Nunaanni misigisassarsiortitsinermi nutaaliornissaq. Pitsaassutsikkut qaffasissumik inissisimanerput aalajangiusimallugulu pitsanngortinniarparput, siulersuisuni siulittaasoq Søren Rasmussen allappoq.
World of Greenland – Arctic Circle incoming-imi suliffik World og Greenland Ilulissat ateqqatigaa, tamannalu nalaatsornerunngilaq. Uani piginneqatigiiffiit namminersortut marluk tamarmik immikkut piginnittullit namminnerlu aqutsisullit, kisianni piffissaq sivikitsoq eqqarsaatigalugu pilersaarutaavoq, piginneqatigiiffiit ataatsimoortumik nittarsaassinissat tuniniaanissarlu pillugit suleqatigiilernissaat.
- Ilulissani World of Greenland aamma uani ukiumini siullermi Kalaallit Nunaanni incoming-imi piginneqatigiinni siuttut ilaannut malunnartissimavoq, tuniniakkanik siammasissorujussuarnik qinigassaateqarluni aammalu immikkut pitsaassutsimik kiffartuussinermillu qaffasissorujussuarmik inissisimanermigut malunnaateqarluni.
- Ateqqatigiinnermut aamma World og Greenland - Arctic Circle-ip piginnittaasa Qeqqani incomingimik ingerlatsinermi taamatut pitsaatigisumik inissinnissaq kissaatigineqarpoq, søren Rasmussen allappoq.
World of Greenland - Arctic Circle-imi siulersuisut inuttaraat siulittaasoq Søren Rasmussen (Albatros Travel A/S), Niels Kreutzmann (Albatros Travel A/S), Peter Bastrup (Kalaallit Nunaanni Angalatitseqatigiiffik A/S), Michael Binzer (Air Greenland A/S) aamma Jørgen Nielsen (Topas Travel A/S).A/S).
Anette Grønkjær Lings pissortatut atorfinissaaq Sisimiuni qitiusumik allaffeqassalluni. Kalaallit Nunaanni Angalatitsivimmi Incoming-imi pisortaasimavoq. Anette takornariaqarnermut ilinniarsimasuuvoq, Kalaallit Nunaanni peroriartorlunilu najugaqavissuuvoq.