RAL-ip tapiliuttagaq akitsuut qaffaqqiallalaarpaa
Uuliap akiisa aningaasallu nalingisa qaffalaarsimanerat pissutigalugu Royal Arctic Linep uuliamut aningaasallu nalinginut tapiliuttagaq qaffappaa.
Uuliamut aningaasallu nalinganut tapiliussaq qaffaqqissasoq, ETS-imut akitsuut apparneqassaaq.
Assi: Jesper Hansen
Uuliamut aningaasallu nalinganut tapiliussaq maannamut 10 procentimiittoq, annikitsunnguamik qarrariarluni 1. februar aallarnerfigalugu 11 procentinngussaaq. Umiarsuaatileqatigiiffik nittartakkamini taama ilisimatitsivoq.
- Uuliap akiisa aningaasallu nalingisa qaffalaarsimanerat pissutigalugu Royal Arctic Linep uuliamut aningaasallu nalinginut tapiliuttagaq februarip aallaqqaataaniit 2025 atuutilersumik naleqqussarniarpaa 11%- inngortillugu, allappoq.
- Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliuttagaq atortarpoq uuliamut akit aningaasallu nalingisa allanngoriartornerisa sunniutaannut ingerlatseqatigiiffik qajannaarsarniarlugu.
CO2-mut tapiliussaq appassaaq
Uuliamut aningaasallu nalinganut tapiliussaq qaffariaallalaartoq, ETS-imut tapiliussaq appariassaaq.
ETS-mut akitsuut EU-mut akilerneqassaaq, taamaattumillu akitsuut akilerneqartoq Royal Arctic Linemut akiliutaanngilaq.
ETS-imut akitsuut 1,57 procentimit 1,50 procentimut iluarsineqassaaq.
- ETS-mut akitsuut EU-mut akilerneqassaaq, taamaattumillu akitsuut akilerneqartoq Royal Arctic Linemut akiliutaanngilaq.
Umiarsuaatileqatigiiffiup nalunaarutaa ineriartorneq malinnaavigineqassasoq, aammalu 1. marts 2025-mit atuuttussanik tapinik nutaamik naatsorsuisoqassasoq.
