Royal Arctic-ip Danbor Service suleqatiginiarpaa

Danbor Service A/S-i A.P. Møller-imut ilaasoq aamma kalaallit umiarsuaatileqatigiiffiat Rpyla Arctic Line marlunngormat suleqatigiinnissamik siunniussalimmik isumaqatigiissut atsiorpaat. Suliffeqarfissuit taakku marluk taamaalillutik Kalaallit Nunaata imartaani uuliasiorluni qillerinerni pilersuinermi kiffartuussinissaq suleqatigiissutiginiarpaat, taamaalillutik Kalaallit Nunaata kitaani uuliasiorluni misileraalluni qillerinissanut piareersarnernut peqataaniarlutik nalunaarlutik.

Danbor Service A.P. Møllerip ataani inissisimavoq, aammalu Esbjergimi imanni uuliasiornermi pilersuisuni annersaalluni.Suliffeqarfissuup Maersk Olie og Gas Nordsø-milu oliesiortut allat ukiut 25-it sinnerlugit pilersugarisimavai. Danbor Service Aberdeen-imi imaani oliesiortunut pilersuinermi pilersuinermi qitiusumik inissiffeqarniarluni aalajangeqqammerpoq.

- Danbor Servicep naleqassutsimut pingaartitaasa ilagaat upalungaarsimaneq, avatangiisit, pitsaassuseq piffissarlu eqqorlugu tunniussisarneq. Imaani oliesiornermi pilersuinermi aningaasartuuteqarfiulluartumi taaneqartut taakku uuttuutitut pingaarluinnartuupput, taamalu Danbor Service-p Royal Arctic Line-illu tamarmik immikkut misilittagaat nalunngisaallu aallaavigalugit Kalaallit Nunaanni sullitassatsinnut aaqqissutissat pitsaanerpaat tunniussinnaanissaat piareersarsinnaalerparput, Danbor Service-p pisortaa Søren Fløe Knudsen oqarpoq.