Issittumi
uuliap kinertup inerteqqutiginera taperserniarlugu Naalakkersuisut 2018-imi
aalajangerpaat . Naalagaaffinni Peqatigiinni imersiornermut suliniaqatigiiffik
IMO 2020-mi malinnippoq, umiarsuit uuliamik kinertumik ikummateqarnissaat
inerteqqutaatilerlugu, kiisalu Issittumi umiartornerminni tankiiniissanngitsoq.
Inerteqquteqarneq
2024-mi atuutilerpoq, taamaattorli umiarsuarnut IMO-mi Issittumi
umiartornissaminnut akuersissuteqartunut marloqiusamillu timitaqartunut
atuunnani. Royal Arctic Linep umiarsuai tamarmik taamaattuupput, taamaattumillu
umiarsuaatileqatigiit 2029 sioqqullugu inerteqqummi ilaanatik.
Umiarsuaatileqatigiinni pisortaasimasoq Verner Hammeken naapertorlugu ukiuni
tulliuttuni uuliamit kinertumit silaannaap mingutsinneqarnera
iliuuseqarfiginiarneqarpoq ”åbent skrubber-system”-imik taaneqartartoq atorlugu,
silaannarmik mingutsitsisut imaanut pillutik.
Issittumi
uuliap kinertup inerteqqutiginera taperserniarlugu Naalakkersuisut 2018-imi
aalajangerpaat . Naalagaaffinni Peqatigiinni imersiornermut suliniaqatigiiffik
IMO 2020-mi malinnippoq, umiarsuit uuliamik kinertumik ikummateqarnissaat
inerteqqutaatilerlugu, kiisalu Issittumi umiartornerminni tankiiniissanngitsoq.
Inerteqquteqarneq
2024-mi atuutilerpoq, taamaattorli umiarsuarnut IMO-mi Issittumi
umiartornissaminnut akuersissuteqartunut marloqiusamillu timitaqartunut
atuunnani. Royal Arctic Linep umiarsuai tamarmik taamaattuupput, taamaattumillu
umiarsuaatileqatigiit 2029 sioqqullugu inerteqqummi ilaanatik.
Umiarsuaatileqatigiinni pisortaasimasoq Verner Hammeken naapertorlugu ukiuni
tulliuttuni uuliamit kinertumit silaannaap mingutsinneqarnera
iliuuseqarfiginiarneqarpoq ”åbent skrubber-system”-imik taaneqartartoq atorlugu,
silaannarmik mingutsitsisut imaanut pillutik.
Imaq minguitsuutillugu Maannali
Royal Arctic Linemi pisortanngortoq Niels Clemmensen aalajangiivoq uulia
kinertoq atorunnaariartorneqassasoq, taamaalillunilu aamma pilersaarutaasumiit
siusinnerusukkut skrubber-system atortariaarulluni, tamannalu avatangiisinut
suliniaqatigiiffinnit tipaatsuutigineqarpoq, taakkumi ukiuni arlalinni
umiarsuaatileqatigiit Issittumi mianernartumik avatangiiseqartumi iliuusaannut
apeqqusiisarsimaqaat.
– Royal Arctic Line periarfissaqaraluarpoq 2029 tikillugu mingutsitsiuarnissaminut, maannali avatangiisit silallu pissusaa sernigalugit imaq eqqiluitsuutinniarpaat, Green Global Futuremi siunnersorti Kåre Press-Kristensen oqarpoq.
Assi: Martin Lehmann
– Pitsaalluinnarpoq,
tusarakkulu nuannaaqaanga. Tassaavoq minguinnerusumut ingerlatsilernermik pimoorussineq.
Royal Arctic Line periarfissaqaraluarpoq 2029 tikillugu
mingutsitsiuarnissaminut, maannali avatangiisit silallu pissusaa sernigalugit
imaq eqqiluitsuutinniarpaat, Green Global Futuremi siunnersorti Kåre
Press-Kristensen oqarpoq.
Inuiaqatigiinni akisussaaffik
Royal Arctic
Linemi pisortaq Niels Clemmensen oqaluttuarpoq, 2024-mi marsimi pisortatut
atorfinikkamili umiarsuaatileqatigiit periusissiaat nutartilersimallugu
ilaatigut inuiaqatigiinni akisussaaneq misissorlugu.
Royal Arctic Line aalajangerpoq uulia kinertoq atorunnaariartorniarlugu, taamaalilluni skrubber-systemimik pilersaarutit taamaatillugit umiarsuarni kingullerni sisamani piffissaliussaq sioqqullugu.
Assi: Mads Claus Rasmussen
– Suliarpassuatta
ilaat aalisakkanik qalerualinnillu avammut niuernerput, nunarsuarmi imaanit
minguinnerpaamit. Taamaattumillu umiarsuaatileqatigiittut
illersorsinnaanngilarput uuliamik kinertumik skrubberimillu atuinitsigut
imaanik mingutsitsinissarput. Isumaqarpugut inuiaqatigiinni
akisussaaffeqartugut, taamaattumillu uulia kinertoq umiarsiaatitsinni sisamani
kiserngoruttuni atorunnaassavarput taarsiullugu uulia minguinnerusoq Marine Gas
Oil (MGO) atulerlutigu. Umiarsuit allat MGO atulereersimavaat, Niels Clemmensen
oqaluttuarpoq.
Akit assigiinngissutaat Marine Gas
Oil annikinnerusumik svovleqarpoq, uuliatut kinertutuuulli kinertiginani,
sukkanerusumik silaannanngortarluni. Aammali akisuneruvoq, taamaattumi Royal
Arctic Linemi allannguineq aningaasartuutitaqarpoq.
– Uulia
kinertoq aamma Marine Gas Oil akimikkut assigiinngillat, akitigullu
assigiinngitsut umiarsuaatileqatigiit naggataatigullu atuisut akilissavaat.
Isumaqarpugulli avatangiisinut eqqortuliorluta, naak tamanna aamma
akisunerugaluartoq.
Suliffeqarfik
suleqatigineqartoq Eimskip malinninngilaq.
– Tamanna
nammineq aalajangigassaavoq. Eimskip Royal Arctic Linemit allaanerusumik
unammillernerup tungaatigut inissisimavoq, Niels Clemmensen oqarpoq.
Sumiiffiit mingutsitsiffiunngitsut Royal Arctic
Linemut minguinnerusumut alloriarnissaq tulleq Kåre Press-Kristensen
naapertorlugu tassaassaaq umiarsualiviit akornanni sumiiffinnik
mingutsitsiffiunngitsunik pilersitsinissaq.
– Sumiiffik
mingutsitsiffiunngitsoq tassaavoq umiarsuit mingutsitsinngitsuinnaat
aqqutigisinnaasaat. Tassaasinnaavoq Nuup aamma soorlu Danmarkimi Tysklandimilu
umiarsualiviit akornanniittut, Kåre Press-Kristensen oqarpoq.
Niels
Clemmensenilli Issittumi sumiiffiit mingutsitsiffiunngitsut itigartinngilai,
pisariaqassaarlu Islandimi umiarsuaatileqatigiit Eimskip aamma minguinnerusumik
ingerlatsilernissaat uulialu kinertoq Marine Gas Oilimik taarserlugu.
– Taamaassappat
Nuup aamma Danmarkimi, Tysklandimi Sverigemilu umiarsualiviit akornanni
Atlantikumi sumiiffinnik mingutsitsiffiunngitsunik pilersitsisoqarsinnaassaaq,
Niels Clemmensen oqarpoq.
