NIPISAT SUAAT
Royal Greenland kiilumut 26 koruuninik neqerooruteqarpoq
Aalisartut 2024-mi apriilip aallaqqaataaniit nipisannik tunisinermi kilomut 26 koruuninik akissarsissallutik, 1 koruunimillu tapeqartinneqassallutik naatsorsuutigisinnaavaat.
Taama Royal Greenland nipisanniarnermi aallarniummik aki nalunaarutigigamiuk allappoq. Akilu siorna kiilumut akigitinneqartutut ippoq.
- Aki ukiup siuliatut kiilumut 26 koruuniussaaq 1 kronemillu tapeqartinneqassalluni, tamatumalu aalisartutta aalaakkaasumik isertitaqarnissaasa qulakkeernissaanut ataavartumik suliniuteqarnerput ersersippaa, Royal Greenland oqarpoq.
Tunisineq annertusineqassangatinneqartoq
Siorna nipisanniarfimmut sanilliullugu 50 tonsinik amerlanerusunik nipisanniartoqarnissaa naatsorsuutigineqartoq Royal Greenland ilisimatitsivoq. 2023-mi nipisanniarfimmi 985 tonsit tunineqarsimapput, tassa naatsorsuutigineqartumit 70 tonsinik amerlanerullutik.
- Akigitinneqartoq niuerfinni atugassarititaasunut atatillugu nalilersorluagaavoq, aalisartullu nipisat suaannik tunisinermi tamakkiisumik ilaannakortumilluunniit inuussuteqartut tunisilluarnissaat qulakkiissallugu Royal Greenlandimi akisussaaffittut suliassatullu isigigalugulu tunisassianik inerisaajuarlutalu tunisiffigisinnaassatsinni sapinngisamik akit pitsaanerpaat anguniartuarpagut, Royal Greenland allappoq.