Royal Greenlandip fabrikki nutaaq takutissavaa
Royal Greenland maanna piareerpoq Polenip avannaani Koszalinimi fabrikkip innuttaasunut ilisaritinnissaanut.
Pingasunngorpat junip 4-aanni siulersuisuni siulittaasup Peter Grønvold Samuelsenip suliffeqarfissuullu pisortaata Flemming Knudsenip suliffissuaq inuussutissarsiornermik tusagassiortunut Kalaallit Nunaanneersunut, Danmarkimeersunut Europallu sinneraneersunut ilisaritissavaat.
Uumasunik toqoraaviusimasoq katillugit 27.000 kvadratmeterinik tunisassiorfittalik allanngortiterneqareernermi nutarterneqareernermilu kingorna Europami aalisakanik suliffissuit annersaraat, tunisassiornermilu atortut nutaaliaalluinnartut atorlugit tunisassiorneq aallartereersimavoq.
Royal Greenland Kalaallit Nunaanni, Danmarkimi, Norgemi, Tysklandimi Polenimilu suliffissuaateqarpoq. Selskabi kilisaatini, suliffissuarni, tuniniaanermut allaffinni nassiussuinermillu attaveqarfimmi ineriartortilluakkami 2.000-inik sulisoqarpoq. Royal Greenlandip ukiut tamaasa aalisakkat qaleruallillu 170.000 tonsit missaanniittut tunisarpai.