Rubiinit amerlavallaarput pisisussallu ikippallaarlutik
Rubiinit nunatsinneersut toqqorsivimmi.amerliartuinnalersut.
Aappaluttup eqqaani rubiinisiorfiup ammaqqinnissaa qanittumi piunnanngilaq. Tamanna Greenland Rubymi pisortaanerup Arnt-Eirik Rørnesip norskit aningaasaqarnermik tusagassiorfiannut F24- mut nassuerutigaa.
Taamak allaaserinnippoq aviisi Sermitsiaq.
Rubiinisiorfik siorna aggustusimi ukiut arlallit nunatsinni aatsitassarsiorfimmi siuttuusup nalorninartorsioreernerani matuneqarpoq.
– Rubiininik safirinillu amerlavallaanik tunisassiornerup, tunisattalu naammannginnerat ilungersortitsivoq, Arnt-Eirik Rørnes F24-mut oqarpoq.
Rørnes ineriartornermik killup tunganut saatitsinissamut rubiinisiorfimmik piginnittut annersaannit – norskit suliffeqarfissuannit LNS-mit, Svalbardimi aatsitassarsiornermik ingerlatsisuneersumik, aammali Tunup avannaarsuani Citronen Fjordimi zinkimik qalluiffissamik pilersaarusiornermi akuunermit ilisimaneqartumit suliakkerneqarpoq.
Allaaserisaq tamaat aviisimi Sermitsiami atuaruk:
