Sanaartornermi attaveqarfik nutaaq
Constructing Nuuk illussanik titartaasartunut, ingeniørinut, konstruktørinut pilersaarusiortartunullu inuusunnerusunut attaveeqarfiuvoq pilersinneqaqqammersoq.
Constructing Nuuk (CN) sanaartornermi oqallinnermi atortuuvoq nutaq. Pingaartinneqarput Kalaallit Nunaanni avataanilu sanaartornermi nutarterineq, teknikkikkut ilippanaatillit aammalu sanaartornermi teknikkip ineriartortinnera.
Attaveqarfiup anguniagaraa ingerlatsiviit suliffeqarfiillu akimorlugit oqaloqatigiittarnissat, tamatumani ilaasortat ilisimasaminnik taarseeqatigiissinnaallutik annertusisitsisinnaallutillu.
Attaveqarfikkut sanartornerup iluani periutsit nutaat annertunerusumik sammineqartassapput aammalu suut tamaasa akimorlugit suleqatigiinnikkut nunatsinni sanaartornermi nutarterinermik annertunerusumik pilersitsiniarluni.
Tamatuma saniatigut CN-ip sulissutiginiarpaa ilinniarnernik nangitsineq nalinginnaasumillu piginnaasat ineriartortinnerat, siunertaralugu Nuummi sanaartornerup pitsaassusiata qaffanneqarnissaa sanaartornermilu kinguaariit inuusunnerusut siunissami unammilligassanut piareersarnissaat.
CN-ip piviusumik sulissutigaa ukiuni aggersuni suut tamasa akimorlugit pikkorissartitsisarnissat, kiisalu ingerlatsiviit namminersortut pisortallu akornanni suleqatigiinnermik isumsioqatigiinnernik ingerlatsisarnissaq.
Attaveqarfik pilersinneqarpoq sanaartornermi kinguaariit inuusunnerit suliniuteqarnerisigut, tamatuminnga isumassarsisoralugu Svend Sværd, Tegnestuen Nuuk-meersoq.