- Kalaallit sanaartornermi ilusilersueriaasiat ataqqilluinnarlugu sanaartukkanik nutaaliortoqarsinnaalluarpoq, sanaartornermi ilitsersuisartoq, titartaasarfimmillu Titarneq Aps-imik aamma Innannguaq Ivestimik piginneqataasoq Svend Sværd oqarpoq. Taanna siorna allaffittaaminut nutaarluinnarmut Nuummi Innannguami inissisimasumut iserterpoq.
Innannguaq illoqarfiup alianaatsortaani Qaqortoq killermi (Myggedalen) inissisimavoq, Nuummi takornarianit assilisatigut ilisarnarluinnartartoq. Nunaminertaq tamanna eriagisaavoq, nutaanik sanaartortoqassatillugu sanaartornissamut killilersuutinik malinneqartussanik kommuni atuutsitsisuuvoq.
- Kalaallit sanaartornermi ilusilersueriaasiat ataqqilluinnarlugu sanaartukkanik nutaaliortoqarsinnaalluarpoq, sanaartornermi ilitsersuisartoq, titartaasarfimmillu Titarneq Aps-imik aamma Innannguaq Ivestimik piginneqataasoq Svend Sværd oqarpoq. Taanna siorna allaffittaaminut nutaarluinnarmut Nuummi Innannguami inissisimasumut iserterpoq.
Innannguaq illoqarfiup alianaatsortaani Qaqortoq killermi (Myggedalen) inissisimavoq, Nuummi takornarianit assilisatigut ilisarnarluinnartartoq. Nunaminertaq tamanna eriagisaavoq, nutaanik sanaartortoqassatillugu sanaartornissamut killilersuutinik malinneqartussanik kommuni atuutsitsisuuvoq.
Illutoqqat affarleriit 2020-mi isaterneqarput
kingornalu nutaamik ilaqutariinnut
illuliortoqarluni.
Assilisaq
- 2020-mi aallarniutitut type 18 illut affarleriit nutaanngitsut pisiarivagut, illut nutartertariaqartuummata isaterpagut nutaamillu toqqavitoqarisimasaanut toqqaviliorpugut, kisianni tamaat naqqup ilulerparput, Svend Sværd oqarpoq.
Illut affarleriinnit ilaqutariit ataatsit illuannut
Siunertaq tassaavoq illutoqqat toqqavitoqarisimasaat atorlugu kalaallit sanaartoriaasiannut naapertuuttumik 228 m2-itut annertussusilimmik ilaqutariinnut illuliornissaq.
- Sanaartorneq unammillernartortaqarpoq ilaatigut piffimmi kommunip sanaartornissamut killilersuutinik atuutsitsinera pissutaalluni.
- Illup igalaavanut tunngatillugu allannguinissamut kommunimut immikkut akuersissummik qinnuteqartariaqarsimavugut. Illutoqqap igalaavisa qeqqisa qanai qallunaat erfalasuata sanningasuusaanut assingusuunerat isumassarsiatsialaasorinngilarput. Igalaarsuarnilli qitermikkut qanaqanngitsunik pilerusunnerusimavarput isikkivigissumiimmat. Piffissaq sivisulaartoq atorlugu isumaqatigiinniutigereerlugu naggataatigut iluatsippoq.
- Sanaartorneq aallartilluarneq ajuleqqaarparput Nuummi sanaartornerup annertunera pissutigalugu. Suliffeqarfiimmi pilersinniakkatta sananissaanut piffissaqarpallaarsimanngillat.
Suliaq nammineq isumagilerpaa
Svend Sværd sanasutut ilinniagaqarsimasup suliffeqarfimmillu piginneqatigisaasa suliaq namminneq aallartippaat.
- 2022-mi nammineerluta aallartippugut. Ukiup ingerlanerani sanaartugassanik suliaqartartumik illup sananeranik naammassinnikkusuttumik nassaarpugut. Kiisamilu 2023-imi novembarimi nutsersinnaanngorpugut.
Illu ilaqutariinnut illussatut ilusilerlugu sanaajugaluartoq suliffeqarfimmut naapertuuttunngorlugu Titarnerup ilusilersorpaa pisatsersorlugulu. Ullumikkut ini titartaasarfittut atorneqarpoq, naqqup ataa sisamanik tallimanilluunniit ilaatigut aallarnisarfittut allaffeqarfiusinnaasunngorlugu ilusilerneqarsimavoq, - qalialu sulisunut inissianngorlugu ilusilersorneqarsimalluni.
Nuummi illunut nalinginnaasunut atorneqartunut sanilliullugu suliffeqarfik illumik ussissutsimigut pitsaasumik, siunissami sanaartornermut piumasaqaatinik eqqortitsisunik teknikkikkullu atortorissaarutinik nutaaliaasunik atortulimmik pigisaqalerpoq. Silataaniilli isigalugu illu affarleriittut sanaajuvoq, orpinnit qalipaatimigut allanngorsarneqarsimanngitsunit kusanarluinnartumik qalligaasoq, Nuummi silaannaq malillugu qalligaasoq.
Isumassarsisitaaneq
Svend Sværd, titartaasarfimmi Titarnermi piginneqataasoq: - Takutikkusupparput kalaallit
sanaartornikkut ilusilersueriaasiannut naleqquttumik nutaaliortoqarluarsinnaasoq.
Assilisaq
- Angusaq naammagisimaarluinnarpara, takutikkusutatsinnummi naapertuuttumik angusaqarpugut, tassa kalaallit sanaartornikkut ilusilersueriaasiannut naleqquttumik nutaaliortoqarluarsinnaasoq.
Neriuppunga taamaaliornitsigut allat nutaaliornikkut aallartinnissaannik kajumissaareqataasinnaassalluta, Svens Sværd oqarpoq.
Titartaasarfik Titarneq ukioq 2016-imi Svend Sværdimit aamma Aslak Rosingimit pilersinneqarpoq, taakku Titartaasarfik Nuummik naapissimapput.
- Immitsinnut tulluariilluinnarpugut – Aslakilu soraarninngornissami tungaanut uannut siunnersuisuuvoq, Svend Sværd oqarpoq.
Svend Sværd aamma Inuuteq Hendriksen Titarnermi maanna piginnittuupput.
Suliffeqarfiit allat assigalugit suliffeqarfiup sanaartornerup iluani suliassat, sanaartornermi siunnersuinerit, aqutsinerit nakkutilliinerillu suliarisarpai.
- Nuummi sinerissamilu sullitaqarpugut – ilaqutariit illuiniit paaqqinnittarfinnut assigiinngitsunik suliaqartarpugut. Illu Innannguamiittoq Innannguaq Ivestimit pigineqarpoq, taannalu Svend Sværdimit, Heinrich Stidsenimit Rene Christensennimillu pigineqarpoq.
