Sapaatip akunneranut marloriarluni assartuisoqartassooq
Københavnip Kangerlussuup akornanni coronavirus pissutigalugu ahalusoortoqarnerata nalaani, poortukkat allakkallu sapaatip akunneranut marloriarluni assartuunneqartassapput.
Allakkat poortukkallu nunanit allaneersut Kangerlussuarmut marlunngornermi sisamanngornermilu assartorneqartassapput.
Keflavik aqqusaarlugu Nuummiit Københavnimut Dash 8-mik silaannakkut aqquteqalernerup saniatigut, Kangerlussuup Københavnillu akornanni assartuummik timmisartoqalerpoq.
Namminersorlutik Oqartussat tusagassiutinut nalunaaruteqarlutik ilisimatitsipput.
- Kalaallit Nunaannut, Kalaallit Nunaanniillu timmisartukkut nassiussat amerliartuinnannginnissaat suliniutip taassuma qulakkiissavaa. Taamaalilluni assersuutigalugu Nukissiorfiit, Tele-Post A/S, Air Greenland A/S aamma Mittarfeqarfiit atortulersuutinut pisariaqavissumik kingoraartissanik pissarsisinnaanissaat kiisalu atuisunut nioqqutissanik nalinginnaasumik pilersuineq suli qulakkeerneqarsinnaassaaq, allassimavoq.
Keflavik aqqusaarlugu Nuup Københavnillu akornanni Dash 8-mik silaannakkut assartuinerup saniatigut Kangerlussuup Københavnillu akornanni timmisartoq assartuut anginerusoq atulerneqassaaq.
Tamatuma saniatigut Royal Arctic Line A/S-ip manna tikillugu angalasarnini ingerlatiinnassavaa.