Saqisortik nersorniaraat
Qeqqata Kommunia Ukiumi Suleqatikkuminarnerpaaq toqqarpaat
Poul Lennert suleqatiminit maluginiarneqarsimavoq. Qaammatit tallimaannaat suliffimmi atareerluni Sisimiuni kommunip allaffianit Ukiumi Suleqatikkuminarnerpaatut toqqarpaat.
Nersornaasigaanissami sulisoq sivikinnerpaamik ukioq ataaseq suleqataareersimasussaavoq. Ukiorli manna Sisimiuni kommunip allaffissuani suleqataasut amerlanerpaartaasa saqisortik Poul Lennert toqqagassatut siunnersuutigisimallugu, tassa matuma qulaani piumasaqaatit taaneqartut tamaasa naammassisimammagit. Pineqartorlu massakkumut qaammatit tallimaannaat suligaluarluni ukiumi suleqatikkuminarnerpaatut taasinnaalerluni.
Nersornaat sulisumut makkunannga piginnaasalimmut tunniunneqartarpoq:
- suliffimmi pitsaasumik atugassaqartitsineq
- ataqatigiissitsisinnaassuseq
- ikiuisinnaassuseq kajumissaarisinnaassuserlu
- aalajaatsumik suleqataassusilik
Qeqqata Kommuniani Sisimiuni ukiumi suleqatikkuminarnerpaamut nersornaatit sisamanngornermi decembarip 20-iani tunniunneqarpoq. Allaffissuarmi suleqataasut suleqatimik ilaat suleqatikkuminarnerpaatut toqqagassatut siunnersuutiginikuuaat.