- Inatsisit kikkunnut tamanut
atuupput, suliffeqarfiillu tamarmik sulinngiffeqarnermut suliffimmilu avatangiisinut inatsimmik
malinnittussaapput.
Demokraatineersup Anna Wangenheimip AG-mi allaaserineqartumut atatillugu, suliffeqarfik
ukiuni arlalinni sulisuminik akissarsiakitsisimasoq SIK-mit suliassanngortinneqartoq pillugu, oqarpoq.
- Inatsisit kikkunnut tamanut
atuupput, suliffeqarfiillu tamarmik sulinngiffeqarnermut suliffimmilu avatangiisinut inatsimmik
malinnittussaapput.
Demokraatineersup Anna Wangenheimip AG-mi allaaserineqartumut atatillugu, suliffeqarfik
ukiuni arlalinni sulisuminik akissarsiakitsisimasoq SIK-mit suliassanngortinneqartoq pillugu, oqarpoq.
- Takorloorsinnaavara nunami
allamiuusutut nunamullu allamut
nalusamut nuunnermi nutaatut
piumasaqarnissaq ajornakusoorsinnaasoq. Taamaattumik pingaaruteqarpoq sulisitsisup suliffeqarnermullu nakkutilliisup inatsisit
malinneqarnissaat qulakkeernissaat. Pissutsitut taamaattussaannartut pisoqartikkumagu saqqummerluni oqaasinnguineq sapiitsuliorneruvoq annertooq, taamaattumik nersualaarpakka. Allat atugaat sinnerlugit saqqummiipput,
Anna Wangeheim oqarpoq, taassumalu suliffeqarfimmi avatangiisit misissorluarneqarnissaat kissaatigaa.
PISOQ NAALISARLUGU
Pisumi arnat filippinerit
pingasut
Suliami arnat filippinerit pingasut
sulisitsisuminnik ukiuni arlalinni
akissarsiakitsitaasimasut SIK
aqqutigalugu eqqartuussivimmut
suliassanngortitsipput. 372.000
koruunit taarsissutiginissaat piumasaqaatigineqarput.
Sapaatip-akunnerani 29-mi AGmi saqqummertumi eqqartuussivimmut suliassanngortitsineq
allaaserineqarpoq. Sapaatipakunnerani 30-mi filippinerit arnat marluk apersorneqarnerat
AG-mi allaaserineqarpoq. Taakku
misigisimasatik AG-mut oqaluttuarerusullugit saqqummerput.
Unammilligassat
- Oqartussaasut suleqatigiittariaqarput. Suliffeqarnermut nakkutilliineq qallunaat akisussaaffigimmassuk suliassaqarfiit akimorlugit
Atlantikullu illuatungaani suleqatigiinnissaq pisariaqarluni, Anna
Wangenheim oqarpoq.
Suliffimmi avatangiisit pillugit
suliassat Danmarkimit isumagineqartarnerat unammillernartuusoq
partiip arlaleriarluni qaqittaraa
oqarpoq.
- Susassaqarfik qallunaat oqartussaaffigaat, taamaattumillu
Danmarkimit pisussaaffigineqarpoq Kalaallit Nunaanni sulinermi
avatangiisinut nakkutilliinerup
nukittorsarneqarnissaa.
Sulisut tamarmik suliffimmi
avatangiisit isumaqatigiissutillu
pillugit piffissami sivikitsumik pikkorissartinneqartarsinnaasut Inatsisitigut periarfissaasoq ilanngullugu siunnersuutigaa.
- Taamaalilluni sulisitsisut sulisartullu pisinnaatitaaffiit pillugit
naligiinnerusumik ajornannginnerulissaaq, taavalu kattuffiit sullivinnillu nakkutilliisoqarfik inatsisit malinneqarnissaat qulakkeerniarlugu sakkortuumik iliuuseqarsinnaassallutik, Anna Wangenheim oqarpoq.
