SAS-ip tuniniaanera Air Greenlandip aarleqqutiginngilaa
SAS-ip ilaatigut Air Greenlandimi piginneqataassiutiminik tuniniaaniarpalulernera Air Grenlandip direktørertaavata sinnarliuutiginngivippaa.
SAS anguniagssanik nalunaarutiginniinnarnerarpa, piffissarlu sivisooq qaangiuppat aatsaat tuniniaasoqalerumaarnerarlugu.
– SAS-ip piginneqataassutai aalajangiisuusanngimmata tamanna Air Greenlandimut imatorsuaq sunniuteqarnavianngilaq, Michael Binzer, qanittoq tikillugu SAS-imi atorfeqarsimasoq oqarpoq.
Air Greenlandimik piginneqataassutit ullumikkut pingasunut agguataarsimapput: SAS 37,5 procentinik, Kalaallit Nunaanni Namminersor nerullutik Oqartussat 37,5 procentinik qallunaallu naalagaaffiat 25 procentinik. Piginneqataasullu isumaqatigiissuteqarput, piginneqataassutinik tuniniaasoqassappat piginneqataasut sinneri pisiarinneqqaartussaatitaallutik.
– Air Greenland immaqa SAS-ip piginneqataassutaani naleqarnerpaajunanilu tuniniaruminarnerpaajunngilaq, piginneqataasut isumaqatigiissuteqarnerat pissutigalugu, Michael Binzer oqarpoq.