SAS Kalaallit Nunaannut timmisartuusseqqittalerpoq
Ukiut sisamat sinnerlugit uninngareerluni SAS-ip ataasinngormat Kangerlussuarmut timmisartuussisarnini ammaqqippaa.
Annonse
- Nuannaarutigarput SAS-ip Kalaallit Nunaat Københavns Lufthavnimiit toqqaannartumik timmisartuussiffigeqqittalermagu. Kalaallit Nunaat nalissaqanngitsumik pinngortitaqarnermigut takornarianut angalaffissatut piukkunnaatilerujussuuvoq, Kalaallit Nunaannilu misigisaqarnissamik soqutiginninneq annertusiartorpoq, Københavns Lufthavnemi Airline Relationsip pisortaa Corinna Lundbæk Pedersen oqarpoq.
SAS Kangerlussuarmut timmisartuussisarsimavoq 2002-p naalernerata tungaanut.