Naalakkersuisut nunalerinermut periusissiaanni
2021-meersumi allassimavoq 2030-mi savaatillit inuussutissarsiornermut
tapiissutinik pisartagallit ikinnerussasut. Inatsisissatut siunnersuut
Inatsisartuni ukioq manna maajimi akuersissutigineqarpoq.
Siusinnerusukkut misissuinermi paasineqarpoq
savaatillit amerlasuut aningaasarsiornerminni pisortanit
tapiiffigineqarnissartik pisariaqartilluinnaraat. Taamaattumik Naalakkersuisut
anguniagaraat nunalerinermut inuussutissarsiutigalugu tapiissuteqartarnissamut
malittarisassat sukaterneqarnissaat, taamaalillutik savaatillit minnerpaamik
400-nik piaqqiorsinnaasunik savaateqartut kisimik inuussutissarsiutigalugu
nunalerisutut isigineqarsinnaalerlutillu tapiiffigineqarsinnaalernissaat.
Naalakkersuisut nunalerinermut periusissiaanni
2021-meersumi allassimavoq 2030-mi savaatillit inuussutissarsiornermut
tapiissutinik pisartagallit ikinnerussasut. Inatsisissatut siunnersuut
Inatsisartuni ukioq manna maajimi akuersissutigineqarpoq.
Siusinnerusukkut misissuinermi paasineqarpoq
savaatillit amerlasuut aningaasarsiornerminni pisortanit
tapiiffigineqarnissartik pisariaqartilluinnaraat. Taamaattumik Naalakkersuisut
anguniagaraat nunalerinermut inuussutissarsiutigalugu tapiissuteqartarnissamut
malittarisassat sukaterneqarnissaat, taamaalillutik savaatillit minnerpaamik
400-nik piaqqiorsinnaasunik savaateqartut kisimik inuussutissarsiutigalugu
nunalerisutut isigineqarsinnaalerlutillu tapiiffigineqarsinnaalernissaat.
Peqatigiiffik naammaginninngitsoq
350-inik arnaviaateqarneq killeritinneqassasoq
Savaatillit peqatigiit suleqatigiissut siornatigut piumasarinikuugaluarpaat,
tamannali Naalakkersuisunit itigartinneqarpoq.
Kujataani 35-t missaanni maanna savaateqartoqarpoq,
taakkulu nalinginnaasumik naatsiianik, ruuanik allanillu aamma naatitsisarput.
Kalaallit Nunaanni savaaqqamut ataatsimut savaaqqat amerlavallaanngitsut
erniusarput, tamatumalu kingunerisaanik tunisassiorneq annikitsuararsuuvoq,
nunalerinermut periusissiami inerniliunneqarpoq. Kujataani nunalerinermut silap
pissusianik nalunaarusiami tikkuarneqarsimavoq, silap kissassusia
allanngorartuassasoq, ukiukkullu kiannerulissasoq.
- Siunissami ukiut tamaasa assigiinngissuteqarnerit
annertusiartuinnassapput, nalunaarusiami allassimavoq.
Allannguutigineqartup savaateqarfiit mikinerit,
Naalakkersuisut naliliineratigut akilersinnaannginnerpaat, ikilisarniarpai.
Taarsiullugu nalinginnaasumik tapiissutit nunalerinermut aningaasaqarnikkut
imminut napatissinnaanerusumut tunniunneqassapput, taamaalillunilu aamma
ineriartortinneqarnerusinnaallutik. Aatsaalli 2030-miit minnerpaamik 400-nik
savanik arnaviaateqarnissaq piumasaqaataalissaaq.
2023-mi nunalerinermut 47,4 millionit koruunit
tapiissutinut immikkoortinneqarput.
