Savalimmiuni kapisilinnik avammut niuertorsuaq, timmisartuminik USA-mut kapisilinnik assartuisalersoq
Bakkafrost Savalimmiunit USA-mut assartuinermik nutaamik aallartitseqqammerpoq. Tamatumani pingaarnertut siunertarineqarluni kapisilinnik suliareqqitaanngitsunik pisisartunut niuersinnaalernissaq.
Savalimmiuni kapisilinnik tunisassiortoq Bakkafrost maanna nammineq timmisartuminik kapisilinnik nutaanik avammut niuerluni aallartippoq. Tamannalu pilluni timmisartoq akunnattoq marlunnik motoorilik Boeing 757-200, siorna pisiarineqartoq, atorlugu.
Kapisilinnik nioqquteqartartup suliffeqarfiutaata FarCargop timmisartoq assartuut siulleq Savalimmiuni Vagarip Mittarfianit Keflavik Islandimiittoq aqqusaarlugu USA-p kangiata sineriaaniittumut Newarkimukartillugu marlunngornermi aallartippaa. Timmisartoq aqaguani Billundimut uterpoq.
Aviisi Sermitsiaq taama allappoq.
FarCargo-p pisortaanera Hanus Jacobsen Sermitsiamut oqarpoq: „Marlunngornermi ulloq uagutsinnut pingaaruteqarluinnarpoq.
- Marlunngorneq uatsinnut ulluuvoq angisoorujussuaq, FarCargop pisortaanera Hanus Jacobsen suliffeqarfiup nassiussanik assartueqqaarneranut atatillugu Sermitsiamut taama oqarpoq.
Taassuma oqaluttuaraa, FarCargop taamalu Bakkafrostip timmisartumik pisinerminni pingaarnertut siunertarigaat, kapisilinnik nutaanik timmisartukkut USA-mut assartuisarnissani, ingerlatseqatigiiffiummi taanna tunisaqarfigilluartarmagu.
- Tamatumunnga peqatigitillugu sulissutigaarput, utimut, tassa USA-mit Europamut, aamma Danmarkimit Savalimmiunut assartuisinnaalernissarput, Hanus Jacobsen oqarpoq.
Aviisimi Sermitsiami atuarnerusinnaavutit. Aviisi uani pissarsiariuk:
